2 PETRUS 2:14 - KITTA' MATANGKASA'

¹⁴ Nasaba' tenamo lanrena ke'nanga a'gau' dosa, sa'genna ia mami pangngainna ke'nanga iamintu ancinikia tojengi baine pagau' bawanga. Na nanyonyo'mo tau beru tappaka siagang tau tenaya najarre' tappa'na. Le'ba' a'jari biasami atinna ke'nanga ri kangoanga. Anjo ke'nanga sangnging tau langgappa pangngalarroi!

2 PETRUS 2:14 Referans Kwoze

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

2 PETRUS 3:16

Anjo passalaka tuli napauna Paulus lalang ri sikamma sura' natulisika. Memang, nia' siapa are passala' anjo napaua lalang ri sura'na sukkara' nipahang. Na anjo tau tenaya napahangi siagang tenaya najarre' tappa'na, naputara' bale'mi anjo apa natulisika Paulus. Anjo ri kammaya tena niparallu lannasa'. Lanri kamma tomminjo panggaukanna ke'nanga mae ri bageang maraengannaya bonena Kittaka. Anjo panggaukang kammaya poro kapanrakang bawang wassele'na mae ri kalenna ke'nanga.

EFESUS 4:14

Jari, tena nisanrapang ana'-ana', akkullea nierang anrai'-kalau' ri pangngajaranna tau la'bua akkala' salana. Natipui siagang naakkala' salai taua, nanaerang mae ri oloang salaya.

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

1 KORINTUS 11:19

Mingka lania' memang todong passisa'la'-sa'lakkang ri tangnga-tangnganu, sollanna kabateang sallang angkanaya kereanga tu Karisteng tojeng-tojeng.

YOHANES 5:44

Antekammako lakkulle tappa' punna erokko nipalece ri parannu tau, mingka taerokako a'boya pammuji battu ri Allata'ala Tenaya Ruanna?

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

1 YOHANES 2:16

Sikontu apa-apa niaka ilalang ri anne linoa, iamintu sikontu apa-apa nakaerokia sipa'-sipa' ma'rupatauna tau dorakaya, sikontu apa-apa nicinika siagang eroka nikammai, siagang sikamma apa-apa akkullea nikalompoang pa'mai' ri anne linoa, yangasenna anjo teai Allata'ala Manggea assala'na: passangalinna battu ri linoa assala'na.

MARKUS 13:22

Nasaba' lania' sallang battu tumappasalama' balle-ballea siagang na'bi-na'bi balle-ballea. Lanapappicinikangi ke'nanga gau'-gau' appakalanna'-lannasaka sollanna akkulle annipu, na punna akkulle manna umma'Na Allata'ala lanatipu todong.

YEREMIA 13:23

Maka akkullei tau le'lenga ampinrai kalenna, yareka macanga ampelaki ballanna? Tantu tena! Kammatommi anjo ikau biasaya a'gau' ja'dala', tena olonu lakkulle anggaukangi bajika.

KOLOSE 2:18

Teako pa'biangi kalennu nipakarugi ri tau assara-saraia napakatuna kalenna siagang anynyombaya malaeka'-malaeka'. Anjo tau kammaya tampoi ri pikkirang-pikkirang pakkalinoanga siagang napa'borro-borroangi apa tasamara' le'baka nacini' ke'nanga;

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

YESAYA 34:5

Napasadiami pa'danNa Batara ri suruga, na kamma-kamma anne latattabami anjo pa'danga mae ri bansa Edom, le'baka nitappuki hukkunganna laniancuru'.

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 5:28

Mingka anne kamma Kukana ri kau ngaseng: Inai-nai accini' baine nabattumo cinnana a'gau' salimara', a'gau' salimara'mi siagang anjo bainea ilalang ri nyawana.

YESAYA 65:20

Tenamo ana'-ana'na lamate ca'di, na tau toaya lala'bui umuru'na. Tau sibilangngang taung umuru'na lanikanai tau rungka, na matea rioloanganna anjo lanikanai nataba hukkungangKu.

YESAYA 1:16

Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,

AYUB 31:9

Ebara' le'baka' cinna mae ri turiballa'na siampi' ballakku, siagang kutoa' cokko-cokko battu ri bokona pakke'bu',

AYUB 31:7

Ebara' angkana ammengkama' battu ri oloang tojenga, yareka nibeso'mi pa'maikku mae ri apa ra'masaka, punna ra'masa' limangku lanri dosa,

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

PANGNGEBARANG 5:6

Tena natuli ammantang ri oloang lamangea ri katallassanga; tanaassenga kalenna nammengkamo battu ri anjo oloanga.

YEHEZKIEL 13:18

siagang pabattui kanangKu, iNakke, Batara Kaminang Tinggia, mae ri ke'nanga: ‘Cilaka ngasengko! Nupapparekang ngasengi taua ponto-ponto jima' siagang bongong-bongong ammakea baca, sa'genna akkulle nakoasai tau maraenga. Erokko koasa mae ri tallasa'na siagang matena ummakKu, siagang anjo koasa kammaya nupakei untu' kaparalluang kalennu.

MATIUS 23:14

Cilaka ngaseng mako ikau guru-guru agamaya siagang tu Farisia lanri nungaina assara-saraia. Nutipui janda-jandaya, nanualleang balla'na. Nalanri ero'na nucokkoi kaja'dallannu, nula'bu-la'buimi punna assambayangko. Lanri kammana minjo nabattala' sikali sallang hukkungannu!]