2 PETRUS 1:5 - KITTA' MATANGKASA'

⁵ Lanri kammana, attojeng-tojeng mako appattujuang sollanna nipakajarre' tappa'nu ri katallassang bajika. Sipa'rurunganna katallassang bajika, parallui nia' pangngassengannu;

2 PETRUS 1:5 Referans Kwoze

FILIPI 4:8

Na kala'busanna, sari'battangku ngaseng, parallui nubonei pikkirannu siagang apa-apa niaka anggaranna, siratanga nipuji, iamintu: apa-apa annabaya, mala'birika, adeleka, matangkasaka, mate'nea, siagang bajika.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

2 PETRUS 1:10

Lanri kammana, sikamma sari'battangku, paralluko pila' nuterassi usahanu sollanna pila' a'jari majarre' anjo pakkio'Na siagang pammileNa Allata'ala mae ri kalennu. Punna nugaukang anjo kammaya, tena nulanipassala.

IBRANI 6:11

Kikellai sollanna tuli massing lompo sumanga'nu sa'genna kala'busang, sa'genna akkulle nutarima anjo apa-apa numinasaia.

FILIPI 1:9

Iaminne pappala' doangangku untu' ikau: poro pila' mangngamaseangko ri Allata'ala siagang ri parannu tau siagang natuli katambang pangngassengannu ri katojenganga siagang kacara'dekanga,

2 PETRUS 3:14

Lanri kammana, sikamma sari'battangku sannaka kukarimangnginna; ilalang nutayanna anjo Allo labattua, attojeng-tojengko usaha untu' a'jari tangkasa' siagang tena callannu lalang ri katallassannu ri dallekanNa Allata'ala. Siagang katutui bajiki passisambungannu siagang Allata'ala.

IBRANI 11:6

Takkulleai taua ampakasannangi atinNa Allata'ala, punna tena natappa' ri Allata'ala. Nasaba' inai-nai battu mae ri Allata'ala, musti tappaki angkanaya ma'nassa nia' Allata'ala, kammayatompa angkana laNasarei pa'balasa' Allata'ala sikamma tau amboyayai.

EFESUS 5:17

Teako dongoki, mingka pappilajari apa Nakaerokia Batara.

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

PAMMUJI 119:4

Kisarei ikambe hukkunTa, o, Batara, sollanna nagaukang ikambe siagang pa'mai' tamamminra.

KOLOSE 2:3

Almasimi ampa'nyatai sikontu apa-apa tenayapa niassengi battu ri kacara'dekanNa siagang pangngassenganNa Allata'ala, ia taccokkoa riolo.

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

LUKAS 24:21

Na sikontutojenna niminasai angkanaya Iami lallappassangi bansa Israelka. Na anne alloa makatallungallonami le'ba'na kajariang anjo passalaka.

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

1 PETRUS 3:7

Ikau pole, sikamma bura'-bura'nea, parallui baji' pammahannu mae ri bainennu; parallui nuasseng angkanaya anjo tubai'-bainea tau lammai. Bajiki panggaukannu mae ri ia, nasaba' lasiagang ngasengko ke'nanga lantarimai passare lammoro'Na Allata'ala iamintu katallassang sitojennaya. Gaukangi anne kammaya, sollanna tena anrompai pappala' doangannu.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

LUKAS 16:26

Nampa kamma-kamma anne nasimbang maki' se're kali'bong sannaka lantanna, sollanna takkullea tau niaka anrinni a'limbang mange antureng, kammayatompa tau niaka antureng takkulleai a'limbang mae anrinni!’

ZAKHARIA 6:15

Labattui tau battua ri tampa' bellaya siagang nabantui ke'nanga ambangungi BallakKu. Punna le'ba' anjo pambangunanga, lanaassemmi ke'nanga angkana iNakke Batara Kaminang Koasaya le'ba' assuroko battu mae ri ke'nanga. Sikontu anjo kammaya lakajariang ngasengi punna naturuki tojeng-tojeng ke'nanga sikamma parentaKu, Karaeng Allata'alana ke'nanga.”

2 PETRUS 1:11

Lalang kammanami anjo nulanikellai tojeng-tojemmo antama' ri Kakaraengang mannannungang battua ri Batara siagang Karaeng Mappasalamatta Isa Almasi.

YOSUA 7:3

ammotere'mi ke'nanga siagang a'laporo'mi mae ri Yosua. Nakana ke'nanga, “Tenaja niparallu a'lampa ngaseng untu' ambunduki anjo kota Ai. Kira-kira ruassa'bumo yareka tallussa'bumo tau kiring mange anjoreng. Tea'mi kiring ngasengi tantaraya mange anjoreng untu' a'bundu', nasaba' anjo kotaya ca'di-ca'diji.”