2 PATTOTTORANG 9:1 - KITTA' MATANGKASA'

¹ Nalangngereki Ratu Syeba ri passala' masahoro'na arenna Karaeng Salomo. Jari battumi mange ri Yerusalem ero' anso'ri kacara'dekanna na nasare pakkuta'nang-pakkuta'nang sukkara'. Battui nirurungang ri siapa are jaina paeranna siagang unta battalaka eranganna angngerang rampa-rampa, batu paramata, siagang teai sipato' jaina bulaeng. Ri wattunna assigappa siagang Salomo, akkuta'nammi anjo ratua a'rupa-rupa pakkuta'nang niaka ri pikkiranna.

2 PATTOTTORANG 9:1 Referans Kwoze

MATIUS 12:42

Punna Allo Kiama' sallang, lambangungi karaeng baine battu Timboroka siagang taua ri anne jammanga antuntuki ke'nanga. Nasaba' ri wattu ero'na anjo karaeng bainea allangngereki kacara'dekanna Salomo bella sikalimi najappai, battu ri cappa'na buttaya. Mingka kamma-kamma anne, nia' anrinni lompoanganga na Salomo!”

LUKAS 11:31

Ri allo kiamaka sallang, lambangummi nai' Karaeng baine battu Timborang pa'rasanganga siagang taua ri anne jammanga, ansalakangi ke'nanga. Nasaba' ri wattunna ero' anjo Karaeng bainea ampilangngeri pangngajara' mabaji'na Salomo, a'jappami sanna' bellana battu ri cappa'na buttaya. Mingka kamma-kamma anne, siagang anrinni ri tampaka, nia'mi lompoanganga na Salomo!

2 PATTOTTORANG 9:9

Nampa napassareang anjo ratu battua ri pa'rasangang Syeba mae ri Salomo hadia-hadia naeranga, iamintu la'bi 4.000 kilogarang bulaeng siagang majai batu paramata kammayatompa rampa-rampa. Tena le'bakami Salomo ribokoangannaya annarima passare rampa-rampa kammaya baji'na anjo napassareanga ratu battua ri pa'rasangang Syeba mae ri ia. (

PA'JARIANG 10:7

Sossoranna Kus iami a'jari pandudu' ri Seba, Hawila, Sabta, Raema, siagang Sabtekha. Sossoranna Raema iami a'jari pandudu' ri Syeba siagang Dedan.

MATIUS 13:35

Lanri kammana, a'rupami apa le'baka napau na'bia angkana, “PungKu a'bicara ri ke'nanga pangngebarang Kupake Kupakasingara' ngasengi mae ri ke'nanga apa-apa taccokkoa battu ri uru kajarianna anne linoa.”

MATIUS 13:11

Appialimi Isa Nakana, “Nasaba' ikau nisare ngaseng mako pangngassengang sollanna nupahang rahasiana ri passala' antekamma batena ammarenta Allata'ala. Mingka anjo ke'nanga tanisareai.

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

MATIUS 2:11

Antama'mi ke'nanga ri pammantanganna anjo Anaka. Nabuntulu'mi anjo Anaka siagang Maria amma'Na. Su'ju'mi ke'nanga anynyomba ri anjo Anaka. Nampa massing nasungke roko'-roko'na ke'nanga, namassing assare koro'bang, iamintu bulaeng, kamanynyang, siagang mur.

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

PANGNGEBARANG 1:6

Lanri kammana nakkullemo naselangngi apa battuang taccokkona anjo pappakaingaka siagang napahang kana-kananna tau cara'deka kammayatompa sikamma passala' napakkuta'nangnganga ke'nanga.

PAMMUJI 142:2

Kulompoi sa'rangku akkio' mae ri Batara; kugassingi sa'rangku appala' bantuang battu ri Ia.

PAMMUJI 78:2

Erokka' appasulu' paruntu' kana siagang pangngebarang, nakupakasingara' boto-botoang jammang riolo,

PAMMUJI 72:15

Mattallasaki karaenga! Poro nipassareangi mae ri ia bulaeng battua ri Arab. Poro nipappala' doangangi lalang sikontua wattu na tuli nisare pangngellai.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

PAMMUJI 49:4

Lakupabattuangko kana-kana baji', pikkirang mailalang sikaliku.

2 PATTOTTORANG 1:12

Lanri kammana anjo laKusareko kacara'dekang baji' siagang pangngassengang. Pantaranganna anjo laKupa'jari coppongi katallassannu, la'bi kalumanynyang siagang la'bi masahoro' na karaeng maraengannaya, baji' karaeng allaloa kammayatompa karaeng labattua.”

2 PATTOTTORANG 1:1

Salomo ana' bura'nena Karaeng Daud a'jarimi karaeng kassa' empoanna lalang ri kakaraengang Israel. Nibarakkaki ri Karaeng Allata'alana, siagang nipa'jari sannaki lompona kakoasanna.

1 KARAENG-KARAENG 4:31

Ia tojeng-tojemmi kaminang cara'de' battu ri sikontu taua. La'biangngangi na Etan anjo tu Ezrahi, Heman, Kalkol siagang Darda ana'-ana'na Mahol. Alla'bangi niasseng ri kere-keremae ri sikontu pa'rasangang niaka ri tammulilina kakaraenganna.

1 SAMUEL 1:15

Mingka appialimi Hana angkana, “Tena nakunasa'ring, bapa', siagang tena sikali nakuangnginung anggoro'! Nakke tappu' panrannuanga', siagang sitabanga' appala' doang ancarita ngasengi kapa'risangku mae ri Batara.

PA'JARIANG 25:3

Yoksan manggena Syeba siagang Dedan. Na ia turunganna Dedan iamintu tu Asyur, tu Letus, siagang tu Leum.

PA'JARIANG 10:28

Obal, Abimael, Syeba,

2 PATTOTTORANG 9:2

Kabusu'na anjo pakkuta'nanga akkulle ngasengi napiali Salomo, tena manna se're sukkara' mae ri ia.