2 PATTOTTORANG 1:9 - KITTA' MATANGKASA'

⁹ Kamma-kamma anne, o Karaeng Allata'ala, poro Kirupai laloi janjinTa mae ri manggeku. Le'ba'ma' Kiangka' a'jari karaeng mae ri anne bansa lompoa, tenaya nakkulle nirekeng siapa jaina.

2 PATTOTTORANG 1:9 Referans Kwoze

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PAMMILANGNGANG 23:10

Jari-jarina Yakub rapangi au takkulleai nibilang; bansa Israel teai sipato' jaina. Dasi-dasi nakumate salaku tau lambusu' poro anjo a'jalakku sangkamma a'jala'na anjo tau kammaya.”

PA'JARIANG 28:14

Turungannu lasangkammai limbu'buka ri lino jaina. Lanapakaluaraki daerana ke'nanga mange ri kere-kere mae. Siagang tete ri kau siagang turungannu nalaKubarakkaki sikontu bansaya ri lino.

1 PATTOTTORANG 28:5

Nasarea' jai ana', na battu ri sikontua anakku Napilemi Salomo untu' ammarenta ri Israel, kakaraenganNa Batara.

MATIUS 25:16

Anjo palayang annarimaya limassa'bu doe' ringgi' bulaeng, a'lampa memammi a'danggang; nanggappamo passawallang limassa'bu doe' ringgi' bulaeng.