2 PATTOTTORANG 1:10 - KITTA' MATANGKASA'

¹⁰ Lanri kammana anjo, poro Kisare laloa' kacara'dekang baji' siagang pangngassengang kuparalluanga untu' ampimpingi ke'nanga. Punna tena nakamma, antemi kamma bateku lakulle amparentai anne ummatTa lompo kammaya?”

2 PATTOTTORANG 1:10 Referans Kwoze

1 KARAENG-KARAENG 3:9

Lanri kammana anjo Batara, poro Kisare laloa' pangngassengang mabaji', ia kuparalluanga untu' ammarenta ri anne ummatTa siagang adele', siagang untu' akkulle angngassengi angkanaya kerea baji' siagang kerea kodi. Punna tena nakamma, antekamma olona akkulle kuparenta anne ummatTa lompo kammaya?”

PANGNGEBARANG 4:7

Kaminang parallua musti uru nugaukang iamintu usahako a'jari cara'de'. Manna apa nuondang, mingka uru-urua iamintu usahako anggappa pangngassengang.

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.

2 KORINTUS 3:5

Tena manna sirupa kagassingang ri kalenna ikambe nakkulle ikambe anggaukangi anne jama-jamanga; mingka Allata'ala assarei pakkulle ikambe.

PAMMUJI 119:73

IKattemi ampa'jaria' siagang amparekka', Kisarea' pammahang untu' ampilajari sikamma parentaTa.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

PAMMILANGNGANG 27:17

Sitau akkullea a'jari panglima punna a'bundu' ke'nanga. Teaki' lappassangngi anne ummatTa sanrapang gimbala' tenaya pakalawakinna.”

PAOLE 31:2

angkana, “Kamma-kamma anne sibilangngammi anruampulo taung umurukku siagang tenamo nakukkulle a'jari pamimping mae ri kau ngaseng. Pantaranganna anjo, le'ba'mi pole Nakana Batara mae ri nakke angkanaya takkullea' allimbangi Binanga Yordan.

1 PATTOTTORANG 22:12

Na poro Nasareko Karaeng Allata'alanu kacara'dekang siagang pangngassengang untu' ammarenta ri Israel situru' hukkung-hukkunNa.

PANGNGEBARANG 8:15

Sikamma karaenga kubantui anggaukangi pamarentahanga, sikamma tukoasaya kutulungi ampaentengi kaadelanga.