2 PATTOTTORANG 1:1 - KITTA' MATANGKASA'

¹ Salomo ana' bura'nena Karaeng Daud a'jarimi karaeng kassa' empoanna lalang ri kakaraengang Israel. Nibarakkaki ri Karaeng Allata'alana, siagang nipa'jari sannaki lompona kakoasanna.

2 PATTOTTORANG 1:1 Referans Kwoze

1 PATTOTTORANG 29:25

Napa'jarimi Batara sikontu ra'yaka angngali' mae ri Salomo, siagang Napa'jarimi Salomo karaeng poreanganga na karaeng maraengannaya, sikamma le'baka ammarenta ri Israel.

1 KARAENG-KARAENG 2:12

Nampa Salomo a'jari karaeng, ansambeangi Daud manggena. Teai sipato' kassa'na kakoasanna Salomo salaku karaeng.

PA'JARIANG 39:2

Nitulummi Yusuf ri Batara, sa'genna tuli a'jari baji' sikontu apa najamaya. Ammantammi ri balla'na karaenna, anjo tu Mesirka.

PA'JARIANG 21:22

Anjo wattua nia'mi battu Karaeng Abimelekh siagang Pikhol, panglima tantarana, nampa nakana ri Abraham, “Le'ba' mako Natulung Allata'ala ilalang sikontu apa nugaukanga.

1 PATTOTTORANG 17:8

Le'ba' mako Kutulung manna kemae lampanu, siagang sikontu musunnu Kutumpasa' ngasemmi ri wattunnu a'bundu'. LaKupa'jari masahoroki arennu sangkamma pamimping-pamimping kaminang lompoa ri lino.

1 KARAENG-KARAENG 2:46

Le'baki akkana kamma, naparentakammi karaenga mae ri Benaya nampa a'lampa Benaya mange ambunoi Simei. Kamma-kamma anne koasami ri sikabusu'na lalang kakaraenganna.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

1 PATTOTTORANG 29:30

Lalang ri anjo Kittaka nicaritai ri antekamma pamarentahanna, kakoasanna, siagang sikontu apa kajarianga mae ri kalenna, mae ri bansa Israel, siagang ri kakaraengang-kakaraengang niaka ri tammulilina Israel.

2 PATTOTTORANG 32:23

Jaimi tau battu mange ri Yerusalem untu' angngerang passare mae ri Batara siagang hadia-hadia untu' Hizkia; sa'genna baku'na anjo wattua nikangngalikammi ri sikontu bansaya.

PA'JARIANG 39:3

Nacini'mi karaenna angkana nitulungi ri Batara anjo Yusuf. Na lanri kammana minjo nanjari ngasemmo siagang baji' sikontu apa najamaya.

YOSUA 3:7

Nakana Batara mae ri Yosua, “Appakkaramula anne alloa laKupa'jariko tau malompo sa'genna sikontu umma' Israel lanapakalompoko siagang nasadari angkanaya iNakke anrurungangko sangkamma Kururunganna Musa.

1 PATTOTTORANG 22:11

Nampa nakanamo pole Daud, “Kamma-kamma anne, anakku, poro tuli natulungko Karaeng Allata'alanu. Siagang poro a'wasselekko ambangung balla' untu' Batara sangkamma anjo apa le'baka Napa'janjiang.

1 PATTOTTORANG 22:16

bulaeng, pera', parunggu, siagang bassi. Jari appakkaramula mako linta'! Poro Natulungko Batara.”

1 PATTOTTORANG 29:23

Jari salaku sambenna Daud manggena, nai'mi Salomo ri empoang kakaraengang, ia le'baka Napattantu Batara. Iami karaeng nikangalikang ri sikontu bansa Israel, siagang appakamajui ri jama-jamanna.