2 KORINTUS 6:2 - KITTA' MATANGKASA'

² Nakana Allata'ala lalang ri Kittaka, “Ri wattu pangngellaingKu, Kupilangngerimi pappala'nu, siagang ri wattu allo kasalamakkanga, Kupasalama' mako.” U'rangi baji'-baji'! Iaminne wattua, wattu pangngellaiNa Allata'ala. Kammayatompa iaminne alloa, allo pappasalama'Na Allata'ala.

2 KORINTUS 6:2 Referans Kwoze

YESAYA 49:8

Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

IBRANI 4:7

Nasaba' le'ba'mi Napattantu Allata'ala se'reang allo maraeng pole, ia nikanaya, “Anne Alloa.” Attaung-taung ribokoanganna Nabicarai Allata'ala anjo passalaka tete ri Daud, iami antu lalang aya' le'bakamo nipau sumpadeng, angkanaya, “Punna nulangngere' sa'ranNa Allata'ala anne alloa, teako tamappilangngeri.”

IBRANI 3:13

Jari sollanna tena manna sitau ri tangnga-tangnganu nitipu ri dosaya sa'genna tamappilangngeria ri Allata'ala, paralluko allo-allonu sipakainga' ilalang attallasatta ija ri anjo jammang napakkanaia Kittaka “Anne Jammanga”.

YESAYA 61:2

Nasuroa' angkabarrangi angkanaya narapi'mi wattunna Batara appasalama'; untu' ansaleori sikontu tau susaya, siagang Nabalasa' sikamma musu-musunna ke'nanga;

IBRANI 3:7

Lanri kammanami anjo, sangkamma Napaua RohNa Allata'ala, “Punna nulangngere' sa'ranNa Allata'ala anne alloa,

LUKAS 4:19

ambirittakangi wattu kabattuanNa Batara ampasalamaki umma'Na.”

PAMMUJI 69:13

A'jari carita' ri tampa' pa'rappunganna taua, kelong-kelong tunasa'ringa inakke napitabai.

LUKAS 18:37

Nakanamo ke'nanga ri anjo tau butaya, “Isa, anjo tu Nazaretka, niaki numalo.”