2 KORINTUS 4:9 - KITTA' MATANGKASA'

⁹ Jai tau ammusuki', mingka tena nakile'ba' nibokoi kale-kalenta. Siagang manna ki'mole-mole sanrapang nipatappasa' naung ri buttaya, mingka tena nakikkulle mate.

2 KORINTUS 4:9 Referans Kwoze

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

MIKHA 7:8

Tena alasang mae ri musu-musunta untu' rannu pa'mai'na lanri kaancuranta. Nasaba' manna pole kitu'guru', mingka lambangung poleangki'. Kamma-kamma anne niakki' lalang ri sassanga, mingka laNasingariki' Batara.

PANGNGEBARANG 24:16

Saba', manna pole a'mole-mole tu'guru' tau lambusuka, tuli lambangung poleangi nai'. Mingka kabalekanna, tau ja'dalaka laancuruki nituju ri bala lompo.

PAMMUJI 42:11

Ancuru' taba sikali pa'maikku lanri nicau-cau ri musu. Tulusu' akkuta'nanna ke'nanga angkana, “Kemaeji Allata'alanu?”

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

2 KORINTUS 7:6

Mingka sukkurukki', lanri tuli nipakalompona ri Allata'ala atinna tu tappu' panrannuanga; Iami ampakasannangi atinna ikambe ri wattu battuna Titus mae ri kambe.

YESAYA 62:4

Arennu teaimi ‘Nibokoia’, pa'rasangannu teaimi ‘Ia Sinoa’. Lanigallarakko, ‘Nisayanga ri Allata'ala’, na pa'rasangannu niarengi, ‘Le'bakamo A'nikka,’ saba' mangngellai Batara mae ri kau, Ia rapangi bura'nenna pa'rasangannu.

PAMMUJI 9:10

Batara pa'la'langanna tu nijallakkanga, tampa' pa'la'langanna ri wattu kasusaanga.

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

PAMMUJI 42:5

Punna kuu'rangi wattu riolo si'nai pa'maikku, ri wattungku mange ri Balla'Na Batara ri Yerusalem siagang tau jaia appare' passua'-suarrang. A'jappa' ri dallekanna barisang tau jaia akkio' rannu akkelong lagu pammuji.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

PAMMUJI 22:1

Untu' pamimping pakelong. Situru' lagu: Jonga ri wattu bari'basa'. Pammujina Daud.

AYUB 22:29

Tau borroa nipakatunai ri Batara, mingka tau tuna pa'maika Napasalamaki.

PAMMUJI 129:2

“Nisessa' ri musu battu ri rungkaku, mingka takkulleai ke'nanga ambeta';

HABAKUK 3:17

Manna pole tena rapponna poko' araya na poko' anggoroka tena anggoro'na, manna pole tena wassele'na poko' zaitunga, nappakala'ba' pa'mai' wassele' gandunga ri kokoa, manna pole namate kabusu' gimbalaka natena bonena bara olo'-oloka,

ROMA 8:35

Maka inai lakkulle ampisangkai Almasi angkamaseangki'? Maka akkullei kasusaanga yareka kasukkaranga, yareka passessaya, yareka kacipuranga, yareka kakasi-asianga, yareka bahayaya, yareka kamateanga, ampisangkai Almasi angkamaseangki'?

2 TIMOTIUS 3:12

Memang, lanisessa memangi sikamma tau eroka anynyomba ri Allata'ala siagang tau asse'rea siagang Isa Almasi lalang ri katallassanna;