2 KORINTUS 3:2 - KITTA' MATANGKASA'

² Kalennu ngasemmi sura' pammujina ikambe tattulisika lalang ri atinna ikambe, akkullea naasseng siagang nabaca sikontu taua.

2 KORINTUS 3:2 Referans Kwoze

1 TESALONIKA 1:8

Nasaba' tassiara'mi birittaNa Allata'ala appakkaramula battu ri kau ngaseng sa'genna mange ri butta Makedonia siagang Akhaya. Ba'lalo tena nasikammaja anjo bawang; nasaba' anjo katappakkannu mae ri Allata'ala tassiara'mi ri kere-keremae, sa'genna tenamo apa-apa parallu napau ikambe.

FILIPI 1:7

Tuli nia'nu ngaseng lalang ri atingku. Memang siratangi punna kammai anjo nyawaku mae ri kau ngaseng. Nasaba' le'ba' ngaseng tommako annarima siagang inakke iamintu passare malammoro' Napassareanga Allata'ala mae ri nakke; baji' na ri kamma-kammaya anne, iamintu ri wattungku nia' lalang ri tarungkua, kammayatompa pole ri wattungku nia' pantara' untu' angngalleangangi siagang ampamentengangi anjo Kabara' Bajika.

ROMA 1:8

Marioloangang dudu, appala' sukkuruka' mae ri Allata'ala lalang arenNa Isa Almasi, lanri ikau ngaseng sari'battangku. Nasaba' sikontumi linoa angngassengi angkanaya tappa' sikali ngasengko mae ri Almasi.

2 KORINTUS 12:15

Lanri kammana, rellami nyawaku ero' angkoro'bangkangi sikontu katallassangku untu' ikau ngaseng. Ba'lalo manna sa'genna batangkalengku rella tonja' angkoro'bangkangi untu' ikau. Punna kamma anjo batenu kukarimangngi, maka siratangi punna kurang nukarimangngia'?

2 KORINTUS 11:11

Angngapa nakuakkana kamma? Maka lanri tenana nakukamaseangko? Naassengi Allata'ala angkanaya kukamaseangko!

2 KORINTUS 7:3

Teai lanri ero'nu kusalakang nakuakkana kamma anne mae ri kau ngaseng. Nasaba', kamma le'bakamo kupau, sanna' kikamaseannu, kammayatompa sanrapang maki' tau assari'battang, sikatallassang sikamateang.

1 KORINTUS 3:10

Sanrapanga' tu nisare kacara'dekang a'jari panrita balla' ri Allata'ala. Iami anjo kacara'dekanga kupake le'ba' ampadongkoki batu pondasina anjo bangunanga, nampa tau maraeng ampatulusuki ambangung irateanna anjo pondasia. Sikontu taua musti naparhatikangi baji'-baji' antekamma batena musti ambangung irateanna anjo pondasia.

2 KORINTUS 3:1

Maka sangkammai angkanaya napuji kalenna ikambe ilalanna anne passalaka? Yareka nakulle parallui ikambe sura' pammuji untu' ikau, yareka battu ri kau, sangkamma naparalluanga sikamma tau maraenga?