2 KORINTUS 13:3 - KITTA' MATANGKASA'

³ Jari lanucini'mi butti nukaerokia angkanaya ma'nassa a'bicara tojeng-tojengi Almasi tete ri kalengku. Punna Nahukkungko Almasi, tena nalamma, passangalinna laNapappicinikangi kakoasanNa ri tangnga-tangnganu.

2 KORINTUS 13:3 Referans Kwoze

MATIUS 10:20

Nasaba' teai ikau la'bicara anjo wattua, passangalinna RohNa Manggea ri suruga la'bicara battu lalang ri kalennu.

2 KORINTUS 12:12

Le'ba'mi kupappicinikang mae ri kau siagang sa'bara' sikamma gau' appakalannasaka siagang gau' malompoa, yareka jama-jamang sannaka lompona; sollanna a'buttimo mae ri kau angkanaya inakke ma'nassa tunisuroNa' Allata'ala.

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

2 KORINTUS 10:4

Kagassinganna ikambe lalang anggaukangi anne jama-jamanga teai kagassingang battu ri anne linoa, passangalinna kagassingang battu ri Allata'ala. Iaminjo kagassinganga napake ikambe angngancuruki kagassinganna linoa, antepoki bicara pa'geakkanga,

2 KORINTUS 2:10

Punna nupammopporang tau le'baka kasalang mae ri kau, inakke pole kupammopporang tongi anjo taua. Nasaba' apa le'baka kupammopporang – punna nia' memang todong parallu nipammopporang – kupammopporangi ri dallekanNa Almasi, untu' kabajikannu ngaseng.

2 KORINTUS 2:6

Anjo tau kammaya angganna'mi hukkungang nagappaya ri tangnga-tangnganu.

1 KORINTUS 7:40

Mingka la'bi upakangangi punna tenamo na'bunting poleang. Anne panggappaku tonji; mingka ri pakkasiakku, lanri koasa RohNa Allata'ala nakupau anne sikammaya.

2 KORINTUS 9:8

Makoasai Allata'ala assareko barakka' allumpa-lumpa, sollanna tena nukakurangang ri apa-apa nuparalluanga. Ba'lalo lakala'biangko, sollannu akkulle a'gau' baji' siagang appare' amala'.

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,