2 KORINTUS 13:2 - KITTA' MATANGKASA'

² Sikamma tau le'baka a'gau' dosa ri wattu allaloa, le'ba'mi kupakainga' pirangalloang, ri wattungku makapinruang battu angkunjungiko. Kamma-kamma anne, ri wattu sikabellainta, kupakainga' poleang mako angkanaya punna battua' pole sallang, tena manna sitau ri ke'nanga lata'lappasa' battu ri hukkunganga.

2 KORINTUS 13:2 Referans Kwoze

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

2 KORINTUS 13:10

Iaminjo saba'na nakutulisi' anne suraka, lalang tenanapa nakunia' ri tangnga-tangnganu. Jari, punna battua' sallang, tenamo naparallu kupake katerassanga mae ri kau siagang kakoasang Napassareanga Batarata mae ri nakke. Anjo kakoasanga Napassareangi mae ri nakke Batara untu' ambangungko. Teai untu' lanruntungko.

1 KORINTUS 5:5

Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.

2 KORINTUS 12:14

Kamma-kamma anne maka pintallungkumi apparuru ero' battu angkunjungiko. Natena nakuero' ansusaiko. Nasaba' teai barang-barannu kukaeroki, passangalinna kalennu. Nasaba' teai ana'-anaka ampa'boyangi katallassang tau toana, passangalinna tau toanaji musti ampa'boyangi katallassang ana'-ana'na.