2 KORINTUS 12:6 - KITTA' MATANGKASA'

⁶ Alarapanna nia' todong apa-apa ero' lakukalompoang pa'mai', tena nakuero' a'jari tu lompo bicara, tenaya bonena; mingka apa-apa kontutojengaji bawang lakupau. Mingka kujagai kalengku, lanri tenana kuero' punna nia' tau la'bi dudu batena ambakuki apa-apa le'baka nacini' kugaukang, yareka apa-apa le'baka nalangngere' kupau.

2 KORINTUS 12:6 Referans Kwoze

2 KORINTUS 11:16

Sikalipi pole kukana: Gassingka nia' tau ampakkanaia' dongo'. Mingka punna kamma tonji lanupakkanaingku dongo', boli'mi kamma nakupakalompo sike'de' pa'maikku.

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

2 KORINTUS 12:7

Mingka sollanna tena nakua'jari tampo dudu lanri ri anjo pappicini' lompoa, le'baka kucini', nisarema' sirupa garring antama' ri kalengku. Anjo garringa akkullei napake Billisika. Nisarea' anjo garringa a'jari pa'ba'bala' ri kalengku, sollanna tena nakua'jari tampo.

2 KORINTUS 5:13

Punna sanrapammo nucini' tau pongoroka ikambe, anjo lanri kaparalluang lamae ri Allata'ala. Na punna baji' nucini' jappana pikkiranna ikambe, anjo lanri kaparalluannu ngaseng.

2 KORINTUS 1:18

Lanri Allata'ala akkullea nipatappa', sitojeng-tojenna anjo janjingku mae ri kau teai passala' “Iyo” yareka “Tena”.

1 KORINTUS 3:5

Sikontutojenna inai anjo Apolos? Siagang inai anjo Paulus? Ikambe anne poro palayanNa jaki' bawang Allata'ala, ia le'baka ampimpingko sollannu tappa' mae ri Almasi. Ikambe poro nigaukannaji bawang jama-jamang Napassuroanga Batara mae ri kambe.

ROMA 9:1

Kontutojengi anne apa eroka kupau lanri inakke taunNa' Isa Almasi. Tena nakua'balle-balle. Atingku siagang pa'maikku, nirurunganga ri RohNa Allata'ala, ampakatappa' tonga' ma'nassana kontutojengi anne kanangku.

AYUB 24:25

Inai akkulle ansassali anjo apa a'nyata kammaya, yareka anggeakki kamma tojenna kana-kanangku?”

2 KORINTUS 7:14

Memang, le'ba'mi kucarita mae ri ia antekamma baji'nu ngaseng. Sukkuru'ma', lanri tenaja nanupakasirika'. Ma'nassa kontutojeng ngasengi anjo apa-apa le'baka nacarita ikambe mae ri kau ngaseng. Kammayatompa anjo apa-apa le'baka nacarita ikambe mae ri Titus ma'nassa kontutojeng ngasengi.