2 KORINTUS 10:5 - KITTA' MATANGKASA'

⁵ kammayatompa anruntungi pa'ballakang katampoanna ke'nanga, eroka angngewai katojenganNa Allata'ala. Iami nipake ampadundui pikkiranna sikamma rupataua, sa'genna amminawang turu' mae ri Almasi.

2 KORINTUS 10:5 Referans Kwoze

IBRANI 4:12

Anjo kananNa Allata'ala, iami kana-kana assarea katallassang siagang kagassingang; la'bi tarangi na pa'dang tarang pimbalia. Anjo kana-kanaya anno'doki sa'genna antama' ri atia siagang nyawaya; narapiki pa'leso-lesoanga siagang buku-bukua, sa'genna naasseng ngaseng pikkiranna siagang nawa-nawanna rupataua.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

ROMA 7:23

mingka kuassengi angkanaya nia' todong hukkung maraeng lalang ri kalengku angngatoroki kalengku – iamintu hukkung assisalaya siagang hukkung natarimaya pikkirangku. Iaminjo saba'na nakutassikko'mo mae ri hukkung dosa makoasaya mae ri kalengku.

MATIUS 15:19

Nasaba' battu lalammi ri atia ammumba pikkirang-pikkirang ja'dalaka, a'jaria saba' nammuno taua, a'gau' salimara', a'gau' bawang, a'lukka', siagang appitina.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

1 KORINTUS 3:19

Nasaba' tau nicini' cara'deka ri anne linoa, sikontutojenna nicini' dongoki ri Allata'ala. Nia' tattulisi' lalang ri Kittaka angkanaya, “Battu ri kacara'dekanna tonji tu cara'deka, nanijakkala'mo kananna ri Allata'ala.”

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

PAMMUJI 139:2

IKatte angngassengi sikontu panggaukangku; battu bellaKi' naKipahang pikkirangku.

1 KORINTUS 1:19

Nasaba' Nakana Allata'ala lalang ri Kittaka, “LaKukacoi kaporeanna tau cara'deka siagang laKupa'lanynyaki pammahanna tau niaka pangngassenganna.”

PANGNGEBARANG 15:26

Birisiki Batara ri rancana ja'dalaka; mingka kana-kana bajika napakasannangi pa'mai'Na.

PAMMUJI 10:4

Tu dorakaya tanajampangiai Batara, lanri tampona nanakana tena Allata'ala.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

YEHEZKIEL 17:24

Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”

2 TESALONIKA 2:8

nampami kacinikang anjo Tau Ja'dalaka. Jari punna battu Batara Isa, la'mai'ji bawang naNabuno anjo Tau Ja'dalaka siagang laNalissara' ri kalompoang kabattuanNa.

PANGNGEBARANG 24:9

Tunggala' akkala'na tau toloa iamintu dosa. Tau tuli accallaya ri paranna tau, tena ningai ri yangasenna taua.

LUKAS 1:51

Lima makoasaNa mappasimbung tau borro, na mangngaco ri ero' sala.

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

YESAYA 59:7

Tulusu' nurancanakangi ja'dalaka, siagang erokko akkaro-karo anggaukangi. Tena nubata-bata ammuno tau tenaya salana. Kemae-kemae lampanu, tuli ammolikko karuntungang siagang kapanrakang.

YESAYA 2:17

Tau borroa lanipakatunai, siagang tau tampoa lanipadundui. Bataraji bawang nipakalompo.

PAOLE 15:9

Teako appareki alasang angkanaya a'reppese'mi taung kalappassanna inranga, sa'genna tena nuero' ansarei angnginrang. Teako lappassangngi anjo pikkirang ja'dala' kammaya antama' ri pikkirannu. Punna tanusarea angnginrang, anjo taua lakkioki mae ri Batara ampabattui anjo passalaka, nampa ikau lanisalakang.

2 KORINTUS 9:13

Na battu ri iami anjo kabajikang nupappicinikanga, najaimo tu Karisteng ri Yudea lamammuji mae ri Allata'ala. Lanri nacini'na ke'nanga antekamma jarre'nu mae ri Kabara' Baji' nupinawanga, iamintu ri sesena Almasi. Kammayatompa mammujimi ke'nanga ri Allata'ala lanri lammoro'na pa'mai'nu ambage-bagei ke'nanga siagang tau maraenga, apa-apa niaka ri kau.

ROMA 16:26

Mingka kamma-kamma anne, situru' passuroNa Allata'ala mannannunganga, le'ba'mi nipa'nyata siagang nipabattu anjo rancanaya mae ri sikontu bansa-bansaya, iamintu le'baka natulisi' na'bi-na'bia, sollanna tappa' ngaseng siagang mannuruki ngaseng ke'nanga mae ri Allata'ala.

2 KARAENG-KARAENG 19:22

Maka nuassenji angkanaya inai anjo nupakkana-kanai siagang nupakatuna? INakke, Allata'alana tu Israel, Allata'ala matangkasaka! Teai sipato' tampona panggaukannu mae ri Nakke.

ROMA 1:5

Lanri Iami anjo Isa Almasi, nakuNasaremo pangngamaseang Allata'ala, a'jari tunisuroNa. Sollanna, akkulle kupakala'biri' Almasi, siagang akkulle kururungang sikontu bansa-bansaya na'jari tappa' siagang mannuruki ri Allata'ala.

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

2 KARAENG-KARAENG 19:28

Kuassengi angkanaya larro sikaliko mae ri Nakke, siagang Kulangngere' tommi anjo kana-kana tamponu. Kamma-kamma anne Kusareimi pakkai' ka'murunnu siagang Kupitabaimi sa'mang bawanu, sollannu akkulle Kurenreng ammotere' battu ri oloang nuoloa ri wattunnu battu.”

PAMMUJI 18:27

Ri tau matangkasaka Kipa'nyatai kalenTa matangkasa', mingka Kimusui tau ja'dalaka.

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

PAMMUJI 18:44

Kilappassanga' battu ri tu dorakaya, nampa Kipa'jaria' tukoasa ri bansa-bansaya; bansa tenaya kuassengi a'jari atangku.

KALAPPASSANG 5:2

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

YEREMIA 23:29

KanangKu rapangi pepe', siagang rapangi palu-palu angngancuruka batu!

2 KORINTUS 11:20

Nubalang parekangi kalennu punna nipare' atako ri taua, yareka napaccokko siagang napassawalliko, kammayatompa nakana kalenna tinggiangangi na ikau, nampa barani antempaka'rangko!

FILIPI 4:7

Na Iaminjo Allata'ala takkullea napahang akkala'na rupataua, lassareko katallassang salewangang; siagang langkatutui nyawanu siagang pikkirannu le'bakamo asse're siagang Isa Almasi.