2 KORINTUS 1:4 - KITTA' MATANGKASA'

⁴ Iami ansaleori pa'mai'na ikambe ilalang sikamma kasukkaranna ikambe. Sollanna lanri panjarrekkinNa, nakkulle tommo ikambe ansaleori tongi sikontu tau natujua susa.

2 KORINTUS 1:4 Referans Kwoze

1 TESALONIKA 5:11

Lanri kammana, paralluko massing sipakamaju siagang massing sipakajarre' ri tappa'nu, sangkamma nugaukangamo ri kamma-kammaya anne.

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 40:1

Kammai anne kananNa Allata'alanu, “Saleori, saleorimi bansaKu!

PAMMUJI 32:7

IKattemi tampa' paccokkoangku, Kilappassanga' battu ri kasukkaranga. Nakuakkio'mo napakamma rannu, saba' le'ba'ma' Kipasalama'.

IBRANI 12:12

Lanri kammana, pakkassakangi anjo limannu lammaya siagang anjo kulantu'nu annekkereka!

YOHANES 14:18

Tena nalaKubokoiko ammantang kale-kalennu, a'jari sanrapang ana' kukanga. LammoterekKa' pole mae ri kau.

YOHANES 14:16

LaKupalaki ri Manggea, sollanna Nasareko Pannulung maraeng, eroka ammantang siagang ikau ngaseng sa'genna satunggu-tungguna.

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.

PAMMUJI 32:5

Nampa kumangakuimo dosaku mae ri Katte, tenamo kasalangku kucokkoi. Kutappukimi ri pa'maikku untu' angngakui mae ri Katte, na Kipammopporang ngasemmo sikontu dosaku.

1 TESALONIKA 4:18

Lanri kammana anjo, paralluko massing sipakajarre' ri tappa'nu lalang ri anne kana-kana kammaya.

2 KORINTUS 7:13

Iaminjo saba'na nanisaleorimo atinna ikambe. Pantaranganna panynyaleoria, ba'lalo sanna'mo rannuta anciniki karannuanna Titus; ikau ngasemmi le'ba' ansaleori atinna.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

PAMMUJI 86:17

Kisarea' tanra kabajikanTa, o, Batara, sollanna a'jari siri'-siri' tau birisika ri nakke, punna nacini' ke'nanga angkana Kitulunga' siagang Kisaleoria'.

PAMMUJI 66:16

Battu mako siagang pilangngerimi, he sikamma tau mappilangngeria, lakucaritai apa le'baka Nagaukang Allata'ala mae ri nakke.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

FILIPI 1:14

Siagang lanri iaminne nitarungkuku nujaimo tu Karisteng anrinni ri kotaya a'jari pila' tappa' mae ri Batara; sa'genna pila' baranimo ke'nanga ambirittakangi pappasanNa Allata'ala.

2 KORINTUS 7:4

Sanna' sikali kupatappa'nu ngaseng. Ba'lalo sanna' lompona pa'maikku lanri ikau ngaseng! Manna mamo najai kasukkarang antujui ikambe, mingka sanna'mi nisaleorinna atingku lanri ikau ngaseng. Sanna' tojeng rannuna atingku!