2 KORINTUS 1:23 - KITTA' MATANGKASA'

²³ Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

2 KORINTUS 1:23 Referans Kwoze

GALATIA 1:20

Anne kutulisika apa kontutojeng. Naassengi Allata'ala angkanaya tena ku'balle-balle!

1 KORINTUS 4:21

Jari pilei mami apa la'bi nungaia! Apa erokko nakuterassi bateku angngajarakko punna battua' mae ri kau, yareka kulammai siagang kupakkamaseangi?

2 KORINTUS 13:10

Iaminjo saba'na nakutulisi' anne suraka, lalang tenanapa nakunia' ri tangnga-tangnganu. Jari, punna battua' sallang, tenamo naparallu kupake katerassanga mae ri kau siagang kakoasang Napassareanga Batarata mae ri nakke. Anjo kakoasanga Napassareangi mae ri nakke Batara untu' ambangungko. Teai untu' lanruntungko.

2 KORINTUS 13:2

Sikamma tau le'baka a'gau' dosa ri wattu allaloa, le'ba'mi kupakainga' pirangalloang, ri wattungku makapinruang battu angkunjungiko. Kamma-kamma anne, ri wattu sikabellainta, kupakainga' poleang mako angkanaya punna battua' pole sallang, tena manna sitau ri ke'nanga lata'lappasa' battu ri hukkunganga.

ROMA 1:9

Punna appala' doanga' tuli kuu'ranginnu ngaseng. Allata'alami a'jari sa'bingku ma'nassana kammatojeng anne kukanaya. Iami Allata'ala kusombaya siagang sikontu pa'maikku, iamintu kupa'la'bangi Kabara' Bajika ri passala'na Ana'Na.

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

2 KORINTUS 12:20

Ranggaselai nyawaku gassingka punna battua' sallang angkunjungiko nakurapikangko tasangkammaya apa kuminasaia. Kammayatompa nurapikang tonga' tasangkammaya pa'minasanu. Gassingka nia' sallang kurapikang passiba'jiang, sereati, pa'bambangang, kaparalluang kalennaji bawang naboyai, sipitina, sikompa-kompa sala, katampoang siagang karicuang.

1 TIMOTIUS 1:20

Kammayami Himeneus siagang Aleksander. Anjo tau ruaya le'ba'mi kupassareang mae ri Billisika, sollanna akkulle ke'nanga appilajara' ammari ancalla-callai Allata'ala.

1 TESALONIKA 2:5

Nasaba' kalennu angngassengi angkanaya tale'bakai ikambe a'baji'-baji' ri bawa lanri nia' ero' kangoang taccokkona ikambe. Allata'ala a'jari sa'bi ri anne passalaka!

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

2 KORINTUS 11:11

Angngapa nakuakkana kamma? Maka lanri tenana nakukamaseangko? Naassengi Allata'ala angkanaya kukamaseangko!

2 KORINTUS 10:2

kupala' dudui ri kau ngaseng, tea' laloko passaia' sa'gengku a'bicara terasa' punna battua' sallang mae ri kau. Nasaba' eroki kuterassi sikamma tau angkanaya untu' pakkalinoanga nanagaukangi ikambe anne jama-jamanga.

2 KORINTUS 1:18

Lanri Allata'ala akkullea nipatappa', sitojeng-tojenna anjo janjingku mae ri kau teai passala' “Iyo” yareka “Tena”.

1 KORINTUS 5:5

Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.

ROMA 9:1

Kontutojengi anne apa eroka kupau lanri inakke taunNa' Isa Almasi. Tena nakua'balle-balle. Atingku siagang pa'maikku, nirurunganga ri RohNa Allata'ala, ampakatappa' tonga' ma'nassana kontutojengi anne kanangku.

LAMPA-LAMPANA 18:1

Le'baki anjo a'lampami Paulus ambokoi Atena, namange ri Korintus.

LAMPA-LAMPANA 18:8

Mingka kapalana anjo balla' sambayanga, iamintu niarenga Krispus siagang sikontu tau niaka ri balla'na, a'jari tappa'mi ri Batara Isa. Siagang pole jai tommi tu Korintus maraenganga allangngereki anjo kabara' napabattua Paulus, na'jari tappa' mae ri Isa nampa nije'ne' ke'nanga.

2 KORINTUS 1:1

Sikamma sari'battangku, anggota jama'aNa Allata'ala ri Korintus, kammayatompa sikontu Umma'Na Allata'ala niaka ri sikontu butta Akhaya. Inakke Paulus, le'baka niangka' a'jari tunisuroNa Isa Almasi lanri ero'Na Allata'ala, kammayatompa sari'battanta Timotius;

2 KORINTUS 6:6

Tulusu' pa'mai' maki', mangngasseng baji' maki', sa'bara' maki', kammayatompa baji' pa'mai' maki' mae ri kau ngaseng, sollanna nuasseng angkanaya ikambe anne ma'nassa atanNaki' Allata'ala. Kammayatompa tanjeng maki' mae ri Roh pannulunNa Allata'ala, mangngamaseang maki' situlusu' pa'maitta;

2 KORINTUS 11:10

Takkulleai nipattaena anne apa nakalompoanga pa'maikku, manna pole ri kere-keremae ri sikontu butta Akhaya, lanri nia'na ri nakke pangngajarang annabaya, battua ri Almasi.