2 KORINTUS 1:1 - KITTA' MATANGKASA'

¹ Sikamma sari'battangku, anggota jama'aNa Allata'ala ri Korintus, kammayatompa sikontu Umma'Na Allata'ala niaka ri sikontu butta Akhaya. Inakke Paulus, le'baka niangka' a'jari tunisuroNa Isa Almasi lanri ero'Na Allata'ala, kammayatompa sari'battanta Timotius;

2 KORINTUS 1:1 Referans Kwoze

2 TIMOTIUS 1:1

Natarimai Timotius, anakku sannaka kukarimangnginna! Anne suraka battu ri nakke, Paulus. Ma'minasa' sollannu nisare barakka', pangngamaseang malammoro', siagang kasalewangang battu ri Allata'ala Manggea siagang Batarata Isa Almasi. Lanri ero'Na Allata'ala, nakuniangka' a'jari tunisuroNa Isa Almasi siagang nisuro untu' ambirittakangi ri sesena katallassang Napa'janjianga Allata'ala. Anjo katallassanga akkullei nitarima lanri asse'reki' siagang Isa Almasi.

FILIPI 1:1

Natarimai sikontu sari'battangku umma'Na Allata'ala, niaka ammantang ri Filipi, asse'reamo siagang Isa Almasi. Kammayatompa sikamma pamimpinga siagang pambantuna jama'aka! Inakke Paulus, siagang Timotius, pajama-jamaNa Isa Almasi;

EFESUS 1:1

Natarimai umma'Na Allata'ala ri Efesus, majarreka tappa'na mae ri Isa Almasi.

TITUS 1:1

Natarimai anakku Titus! Anne suraka battu ri nakke Paulus, atanNa Allata'ala siagang tunisuroNa Isa Almasi. Nipilea' siagang nisuroa' untu' antulungi sikamma tau Napilea Allata'ala sollanna a'jari jarre' tappa'na ke'nanga. Musti kubantu tongi ke'nanga sollanna naasseng katojengang napangngajarranga agamata,

1 TIMOTIUS 1:1

Natarimai Timotius, ana' kontutojengku lanri ri Batara. Anne suraka battu ri nakke, Paulus, tunisuroNa Isa Almasi lanri ero'Na Allata'ala, Mappasalamatta, siagang lanri ero'Na Isa Almasi, panrannuanta. Poro nisareko barakka', pangngamaseang siagang kasalewangang battu ri Allata'ala Manggea siagang Isa Almasi Batarata.

GALATIA 1:1

Natarimai sikamma sari'battanga, iamintu jama'ah-jama'ah niaka ri sikontu butta Galatia. Battu ri nakke Paulus kammayatompa sikamma tu Karisteng niaka kuagang anrinni; ma'minasaki' nuporo nibarakkaki siagang nisare ngaseng katallassang salewangang battu ri Allata'ala Manggea, siagang battu ri Almasi. Inakke, teai tete ri rupataua nakuniangka' a'jari tunisuroNa Allata'ala; passangalinna tete ri Isa Almasi, siagang Allata'ala Manggeta le'baka ampabangung poleangi Almasi battu ri kamateanga.

1 KORINTUS 16:10

Punna battu Timotius mae ri kau ngaseng, tarima bajiki sollanna ero' ammantang sallo-sallo ri tangnga-tangnganu; nasaba' Timotius siagang inakke sangkammaja', iamintu para anjama' untu' Batara.

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

LAMPA-LAMPANA 16:1

Napatulusu'mi lampana Paulus mange ri Derbe, nampa mange ri Listra. Anjoreng nia'mo se're tu tappa' ri Isa niareng Timotius. Amma'na tu Yahudi, tappakamo ri Isa; mingka manggena tu Yunani.

IBRANI 13:23

Parallui nuasseng angkanaya nilappassammi sari'battanta Timotius battu ri tarungkua. Punna battu sallang anrinni ri tampakku, kuerang tonji antu sallang battu angkunjungiko.

2 TESALONIKA 1:1

Natarimai sikontu sari'battangku, iamintu jama'ah niaka ri Tesalonika, a'jaria Umma'Na Allata'ala Manggeta siagang Batara Isa Almasi! Ikambe, iamintu Paulus, Silas siagang Timotius,

1 TESALONIKA 1:1

Natarimai sikontu sari'battangku, iamintu jama'ah niaka ri Tesalonika, a'jaria Umma'Na Allata'ala Manggea siagang Batara Isa Almasi: Ikambe, iamintu Paulus, Silas, siagang Timotius, ma'minasa ngasengki' nuporo nisare ngaseng barakka' siagang salewangang ri Allata'ala.

2 KORINTUS 11:10

Takkulleai nipattaena anne apa nakalompoanga pa'maikku, manna pole ri kere-keremae ri sikontu butta Akhaya, lanri nia'na ri nakke pangngajarang annabaya, battua ri Almasi.

2 KORINTUS 9:2

Kuassengi angkanaya nungai annulunga; na anne le'ba'mi kucarita mae ri taua ri butta Makedonia. Le'ba'mi kupau kalompoang pa'maikku mae ri ke'nanga angkanaya battu ri taung allaloaji nasadiamo sari'battanga ri butta Akhaya assare sumbangang. Na iaminjo sumanga'nu ampakalompo tongi sumanga'na ke'nanga.

1 KORINTUS 16:15

Tantu massing nuassemmi Stefanus siagang sikontu tau niaka ri balla'na; iaminjo ke'nanga uru-uru a'jari tu Karisteng ri butta Akhaya. Attojeng-tojengi ke'nanga anjama untu' allayani umma'Na Allata'ala.

1 KORINTUS 10:32

Bajikimi batenu attallasa', sollanna tena napassabakkang ikau na'gau' dosa tau maraenga; baji' na tu Yahudi yareka bansa maraenga, yareka anggota jama'aNa Allata'ala.

ROMA 16:21

Agangku Timotius, appikatui sallang mae ri kau ngaseng. Kammayatompa Lukius, Yason siagang Sosipater, iamintu julu pa'rasangangku siagang julu bansaku.

ROMA 16:5

Pabattuang tonga' sallangku mae ri jamaah niaka a'rappungang ri balla'na ke'nanga. Sallangku mae ri Epenetus, kukamaseanga. Iami tau uru-urua tappa' mae ri Almasi ri sikontu daera niaka ri Asia.

ROMA 15:26

Nasaba' le'ba'mi assamaturu' jamaah-jama'aka ri pa'rasangang Makedonia siagang Akhaya untu' assarei sumbangang sikamma sari'battang kasi-asia niaka ri alla'na umma'Na Allata'ala ri Yerusalem.

1 KORINTUS 16:24

Kupapinawangi pangngamaseangku mae ri kau ngaseng, asse'reamo mae ri Isa Almasi. Sallangku, Paulus

2 KORINTUS 1:19

Nasaba' anjo Isa Almasi, Ana'Na Allata'ala, nabirittakanga sari'battanta Silas, Timotius, kammayatompa kalengku, teai passala' “Iyo” yareka “Tena”. Passangalinna passala' pappiali Iyo battu ri Allata'ala.

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

1 TESALONIKA 3:2

nanisuro riolo sari'battanta Timotius battu mae ri kau: Anne Timotius, iami palayanNa Allata'ala, assiaganga ikambe anjama untu' ambirittakangi Kabara' Bajika, iamintu ri passala'na Almasi. Kisuromi Timotius battu mae ri kau ngaseng, sollanna napakajarrekko siagang napamajuko nupila' tappa' mae ri Almasi.

FILEMON 1:1

Natarimai Filemon, sari'battanna siagang belana ikambe! Battu ri nakke Paulus nitarungkua kamma-kamma anne passabakkang Isa Almasi; siagang pole sari'battanta Timotius. Ikambemi ampareki anne suraka untu' ikau