2 KARAENG-KARAENG 9:34 - KITTA' MATANGKASA'

³⁴ Le'baki anjo antama'mi Yehu ri balla' karaenga nampa angnganre. Nampa nakana, “Anjo bainea tau nitunrai. Mingka manna nakamma mamo, tarawang tonji ia maya'na, lanri ia ana' bainenai karaenga.”

2 KARAENG-KARAENG 9:34 Referans Kwoze

1 KARAENG-KARAENG 16:31

Tenapa nasukku' nasa'ring doraka sangkammaya nagaukanga Yerobeam, ia ba'lalo nabuntingi Izebel ana'na Karaeng Etbaal battu ri Sidon, siagang assambayangi mae ri Baal.

1 KARAENG-KARAENG 21:25

Tena niakka tau lompo pattujunna anggaukangi kaja'dallanga ri dallekanNa Batara sangkamma nagaukanga Ahab. Yangaseng anjo kaja'dallanga nagaukangi lanri nipangarui ri Izebel, bainenna.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

AMOS 6:4

Cilaka ngasengko attinroa irate ri ranjang ga'ga-ga'gaya siagang angnganre lompoa dageng sapi siagang gimbala' rungka!

YESAYA 65:15

Sikamma tau nipileKu lanapakei arennu a'jari pattunra: “Dasi-dasi naNabuno ngasengko Batara Kaminang Tinggia sangkamma ke'nanga!” Mingka tau mannurukia ri Nakke laKusarei areng beru.

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

ESTER 3:15

Akkaro-karomi a'lampa sikamma tunisuroa a'lampa angngantaraki anjo sikamma suraka mange ri sikontu propinsi niaka ri anjo kakaraenganga. Lanri passurona karaenga, nipa'la'bang tommi anjo parentaya ri kota Susan, iamintu ibukotana Persia. Le'baki anjo ammempo-mempomi karaenga siagang Haman, angnginung anggoro'. Mingka a'jari gegere' lompomi taua ri kota Susan passala' anjo parentaya.

1 KARAENG-KARAENG 18:41

Le'baki anjo nakanamo Elia ri Karaeng Ahab, “Kamma-kamma anne baji'mi punna a'lampa maki' mange angnganre. Sinampe' mami nalabosi, nasaba' kalangngerammi ammarrung.”

2 KARAENG-KARAENG 9:33

Nakanamo Yehu mae ri ke'nanga, “Pasambilai naung mae antu bainea!” Na nipasambilamo Izebel ri ke'nanga naung battu ri tontonganga, nampa nilissarrang ri kareta sa'genna ta'racci' cera'na mae ri temboka siagang mae ri sikamma jaranna anjo karetaya.

2 KARAENG-KARAENG 9:35

Mingka ri wattunna a'lampa taua ero' angngallei maya'na untu' lanatarawang, buku-bukunna mami narapikang ke'nanga, iamintu ka'daro ulunna na, buku-buku limanna siagang buku-buku bangkenna.