2 KARAENG-KARAENG 8:5 - KITTA' MATANGKASA'

⁵ Na sitabang le'ba' ri wattu battuna anjo baine battua ri Sunem andallekang ri karaenga untu' ampabattui pappala'na, sitabang tongi Gehasi ancaritai antekamma batena Elisa ampattallasa' poleangi se'rea ana' matemo. Jari nakanamo Gehasi, “O karaeng mala'birika, iaminne anjo bainea, siagang iaminne anjo ana'na napattallasa' poleanga Elisa!”

2 KARAENG-KARAENG 8:5 Referans Kwoze

2 KARAENG-KARAENG 4:35

Ambangummi Elisa nampa a'jappa anrai' kalau' lalang ri anjo kamaraka, nampa ammopang pole naung ri kalenna anjo anaka. Kale'bakkanna burassingammi anjo anaka pintuju, nampa nasungke matanna.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

PAMMUJI 145:1

Pammuji battu ri Daud. Erokka' ampakalompoKi', o, Allata'ala siagang Karaengku, siagang mammuji mae ri Katte satunggu-tungguna.

ESTER 5:14

Nalangngereki bainenna siagang sikamma agang-aganna akkana kamma anjo Haman, nakanamo ke'nanga, “Assuro pare' mamako tampa' pa'gentungang ruampuloa metere' tinggina. Nampa ammukona, ri bari'basaka, appala' isingko mae ri karaenga untu' anggentungi Mordekhai ri anjo tampa' panggentunganga. Lanri kammana anjo akkulle mako mange ri anjo parjamuanga siagang sannang pa'mai'.” Baji' sikali panggappana anjo ke'nanga turu' ri panggappana Haman. Jari nasuromi linta' taua ampareki anjo tampa' panggentunganga.

2 KARAENG-KARAENG 6:26

Ri se'reang wattu, sitabanna a'jappa karaenga rate ri tembo'na kotaya, nia'mo sitau baine akkio' angkana, “Karaeng, kitulunga'!”

2 KARAENG-KARAENG 6:12

Nia'mo kalase'renna anjo perwiraya appiali angkana, “Tena manna sitau appakamma karaeng. Mingka Na'bi Elisa passabakkanna! Iami ampabattui mae ri karaeng Israel apa kipaua, manna pole nalalang ri kamara' katinroanta kipau.”

1 SAMUEL 26:17

Naassengi Saul sa'ranna Daud. Jari akkuta'nammi angkana, “Daud, ikauka antu anakku?” Appialimi Daud angkana, “Iye', karaeng.”

RUT 2:3

Jari a'lampami Rut mange ri kokoa, namminawang ri pakattoa anrappung gandung tu'guruka. Sitabangi a'lampa mange ri kokonna Boas.

2 KARAENG-KARAENG 4:12

nasuromi palayanna iamintu Gehazi, mange angkioki anjo bainea. Battunamo anjo bainea,

2 KARAENG-KARAENG 8:6

Nampa akkuta'nammo karaenga siagang nacaritami anjo bainea ri passala'na anjo anaka. Le'baki anjo nakio'mi karaenga se'rea pagawena, siagang naparentakammi sollanna nipoterang kabusu' sikontu apa-apanna anjo bainea mae ri ia, kammayatompa ballinna sikontu wassele' kokonna lalang tuju taung baku' nabokoina pa'rasanganga.

1 KARAENG-KARAENG 20:1

Ri se'reang allo, Benhadad, karaeng Siria, napa'rappungangi sikontu tantarana, siagang 32 karaeng maraeng siagang kareta pa'bundukang siagang jaranna ke'nanga, nakurungi siagang nabunduki kota Samaria.