2 KARAENG-KARAENG 8:13 - KITTA' MATANGKASA'

¹³ Appialimi Hazael angkana, “Inakke anne tau tena anggarangku; tena olona lania' koasaku kammaya anjo lompona!” Appialimi Elisa angkana, “Le'ba'ma' Napaccinikang Batara angkanaya la'jariko karaeng ri Siria.”

2 KARAENG-KARAENG 8:13 Referans Kwoze

1 SAMUEL 17:43

Nakanamo Goliat ri Daud, “Lanuapai anjo takkanga? Apa nucini' kongkonga' anne?” Nampa nahinamo anjo Daud lalang arenna sikamma rewatana ke'nanga.

1 KARAENG-KARAENG 19:15

Nakanamo Batara, “Ammoterekko mange ri parang lompoa ri ampi'na Damsyik! Nampa a'lampako mange ri kotaya siagang tiriki minynya' ulunna Hazael a'jari pammatei ri niangka'na a'jari karaeng Siria.

2 SAMUEL 9:8

Su'ju'mi pole Mefiboset siagang nakana, “Apa todong anggaranna anne atanta! Angngapa kibajikkamma mae ri atanta anne karaeng?”

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

PAMMUJI 22:20

Mingka iKatte, teaKi' bellai, o, Batara, battu maKi' linta' antulunga', saba' iKattemi kagassingangku.

PAMMUJI 22:16

Kalotoro'mi karro'-karrokku sanrapang kaca ancuruka, a'dakki'mi lilaku ri nga'ngalakku. O, Batara, angngapa naKibokoia' irate ri limbu'buka sanrapang tau mateamo.

2 KARAENG-KARAENG 8:10

Appialimi Elisa angkana, “Napaui Batara mae ri nakke angkanaya lamatei. Mingka pauang mami angkanaya lammollei ri garrinna.”

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.

FILIPI 3:2

Tutu laloko mae ri tau a'gau' ja'dalaka. Anjo tau kammaya siratangi nipasanrapang kongkong. Napassa-passai taua sollanna nisunna'.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

2 KARAENG-KARAENG 13:22

Lalang siapa sallona ammarenta Yoas, nijallakkangi tu Israel ri Hazael karaeng Siria.