2 KARAENG-KARAENG 8:1 - KITTA' MATANGKASA'

¹ Ri se'reang wattu appabattui Batara bala kacipurang ri Israel niaka tuju taung sallona. Rioloannaya le'ba'mi napau memang Elisa anjo passalaka mae ri baine battua ri Sunem le'baka napattallasa' poleang ana'na. Nasuro tongi Elisa anjo bainea a'lette' siagang kaluargana mange ri pa'rasangang maraenga.

2 KARAENG-KARAENG 8:1 Referans Kwoze

HAGAI 1:11

Kupabattui kakalotoranga mae ri buttaya siagang bulu'-buluka, mae ri koko-koko gandunga, koko-koko anggoroka siagang koko-koko zaitunga, kammayatompa mae ri sikontu lamung-lamung niaka ri anne buttaya, ba'lalo mae ri rupataua siagang olo'-oloka, kammayatompa mae ri sikontu apa nuusahakanga.”

PAMMUJI 105:16

Napabattui Batara kacipuranga ri anjo pa'rasanganga, na Naalle sikontu parsadiaang kanrea.

RUT 1:1

Ri jammang riolo ri tenanapa karaenna tu Israel, nitutujui bala kacipurang pa'rasangang Kanaan. Anjo wattua nia' sitau bura'ne niareng Elimelekh. Ia assala'na battui ri bija Efrata, siagang anjorengi ri Betlehem ri daera Yehuda ammantang. Passabakkang anjo bala kacipuranga na'lampamo mange ri pa'rasangang Moab siagang bainenna, niarenga Naomi, siagang rua ana'na bura'ne iamintu niarenga Mahlon siagang Kilyon. Nampa ammantammo ke'nanga anjoreng. Na ri wattu nia'na ija ke'nanga anjoreng,

2 KARAENG-KARAENG 4:18

Ri wattunna lompomo anjo anaka, ri se'reang allo, ri wattu pakkattoang, a'lampai anjo anaka mae ri manggena niaka ri kokoa siagang pakattoa.

PA'JARIANG 12:10

Mingka anjo wattua naallei kacipurang lompo taua ri butta Kanaan. Sa'genna pila' bellami jappana Abram a'lampa timboro', mange ri butta Mesir, nampa ammantang anjoreng sa'genna allalo anjo bala kacipurang lompoa.

LUKAS 4:25

Mingka pilangngerimi anne: ri jammang nia'na Na'bi Elia, ri wattu tenana naturung bosia tallun taung sitangnga, naallemi cipuru' sikontu bonena pa'rasanganga. Na anjo wattua jai janda ri Israel.

1 KARAENG-KARAENG 18:2

Jari a'lampami Elia. Anjo wattua teaimi sipato' sanna'na nataba bala kacipurang taua ri Samaria.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.

LAMPA-LAMPANA 11:28

Kalase'renna ke'nanga niarengi Agabus. Lanri pangngajara'Na RohNa Allata'ala, natappu riolomi angkanaya lakajariangi sallang ri sikontu linoa kacipurang lompoa. (Na anjo napakkanaya kajariang tojemmi ri wattunna Karaeng Klaudius ammarenta.)

LUKAS 21:22

Nasaba' iaminjo allo-allo nikanaya, ‘Allo-allo Kabattuanna Hukkunganga,’ sollanna a'rupamo apa le'baka tattulisi' lalang ri Kittaka.

LUKAS 21:11

Lata'ge'gosoki buttaya ri kere-keremae. Lanaallei cipuru' siagang lanatabai garring sikamma rupataua. Nia' lakajariang apa-apa sannaka appakamalla'na rate ri langika.

YEREMIA 25:29

LaKupakaramulai anjo pangngancuranga ri kota KalengKu. Gassingka nakapangi ke'nanga angkanaya tena nalanihukkung ke'nanga. Ma'nassa lanihukkungi ke'nanga lanri laKupabattui pa'bundukanga mae ri sikontu bansaya ri sikontu linoa. INakke, Batara Kaminang Koasaya, anne akkana.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

2 SAMUEL 24:13

battumi Gad andallekang nampa napabattuang anjo kananNa Batara nakana, “Kereanga kipilei karaeng: Anne pa'rasanganga nituju ri bala kacipurang tallun taung sallona, yareka niondangki' ri musunta lalang tallum bulang sallona, yareka nitujui anne pa'rasanganga ri garring lalang tallung ngallo? Kitappuki kamma-kamma anne apa musti kupabattu mae ri Batara.”

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

PA'JARIANG 47:4

Battui anne ikambe untu' ammantang anrinni ri pa'rasanganga, lanri sanna' sarrinna kacipuranga ri Kanaan, sa'genna tenamo ruku' untu' lanakanre sikamma bembena siagang gimbala'na ikambe. Kisaremi ikambe pangngellai untu' ammantang ri Daera Gosyen.”

PA'JARIANG 41:32

Pinruangki' asso'na. Anjo battuanna iamintu, anjo passalaka le'ba'mi Napattantu Allata'ala, siagang tenamo nasallo naNapa'jari.

PA'JARIANG 41:25

Nakanamo Yusuf ri karaenga, “Anjo ruaya so'na sangkammai battuanna. Napabattuang maki' Allata'ala apa eroka Nagaukang.

PA'JARIANG 26:1

Anjo wattua naallemi cipuru' pa'rasanganga sangkamma apa le'baka kajariang ri jammanna Abraham. Mangemi Ishak andallekang ri Abimelekh, karaeng Filistin, ri Gerar, appala' ising untu' ammantang anjoreng.

PA'JARIANG 41:54

Jari battumi wattu tuju taunga sallona kacipuranga, sicoco' le'ba' siagang apa le'baka napau Yusuf. Kajariammi wattu kacipuranga ri sikontu linoa, mingka ri sikontu pa'rasangang Mesir nia'mo kanre-kanreang nipasadia.

2 KARAENG-KARAENG 4:38

Ri se'reang wattu natujui sikontu pa'rasanganga bala kacipurang. Jari ammotere'mi Elisa mange ri Gilgal. Ri wattunna sitabang angngajara' siapa are jaina na'bi, nasuromi palayanna angngalle uring lompo nampa napappalluang ke'nanga.

2 KARAENG-KARAENG 7:20

Kammami anjo kajariang mae ri anjo taua – matei nionjo'-onjokang ri ra'yaka ri pakke'bu' lompoa.

2 KARAENG-KARAENG 8:2

Nagaukammi anjo bainea anjo apa napaua Elisa, siagang a'lampami mange ri pa'rasangang Filistin untu' ammantang anjoreng.

2 KARAENG-KARAENG 4:36

Nasuromi Elisa anjo Gehazi untu' angkioki amma'na anjo anaka. Na antama'namo anjo bainea nakanamo Elisa ri ia, “Anne anatta.”

AMOS 4:6

INakkemi ampitujui kotanu bala kacipurang, mingka tammoterako mae ri Nakke.