2 KARAENG-KARAENG 7:2 - KITTA' MATANGKASA'

² Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

2 KARAENG-KARAENG 7:2 Referans Kwoze

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

PA'JARIANG 7:11

Ri wattunna 600 taung umuru'na Nuh, ri tanggala' sampulo antuju bulang rua, tassungke ngasemmi timbuseng je'neka irawanganna buttaya. Sikontu pakke'bu' je'neka ri langika tassungke ngasemmi,

2 TIMOTIUS 2:13

Punna tamajarrekaki' Ia tuli majarreki, nasaba' takkulleai assisala siagang KalenNa.”

ROMA 3:3

Mingka antekamma punna nia' sitangnga tu Yahudi tena namajarre'? Maka iaminjo passabakkang nala'jari talajarrekamo Allata'ala?

PAMMUJI 78:41

A'mole-molei ke'nanga naso'ri Allata'ala, nasusai Kaminang Matangkasaka, Allata'alana Israel.

YESAYA 7:9

Anjo Israel tena nakassakkangngang na Samaria, iamintu ibukotana, kammayatompa anjo Samaria tena nakassakkangngang na Karaeng Pekah. Punna tena nuttojeng-tojeng tappa' mae ri Nakke, mattantu tena nukkulle lattahang.”

2 PATTOTTORANG 20:20

Ammukona bari'basa' dudu, assulu'mi ra'yaka nampa a'lampa mange ri daera parang lompoa ri ampi'na Tekoa. Ri wattunna ero' appakkaramula ke'nanga a'lampa, appasammi Karaeng Yosafat ri ke'nanga angkana, “He ra'ya' Yehuda siagang Yerusalem! Tappakko mae ri Karaeng Allata'alanu, sollannu akkulle attahang. Tarimai pappakainga'na na'bi-na'binu, sollannu akkulle ammeta.”

2 KARAENG-KARAENG 5:18

Punna sallang musti kururungang karaengku mange assambayang ri tampa' passambayangang Rimon rewatana Siria, poro Napammopporang laloa' Batara.”

PAOLE 3:27

A'lampa mako mange ri Moncong Pisga siagang accini' mako wara' siagang timboro', anrai' siagang kalau'. Parhatikangi baji'-baji' anjo apa nucinika, nasaba' ikau tena nalanulimbang Binanga Yordan.

YEREMIA 29:32

siagang lanri nasuro mako ambaliangA', jari laKuhukkungi siagang jari-jarina. Tena manna sitau battu ri ke'nanga lammantang ri tangnga-tangngana ikambe untu' anciniki apa-apa baji' Kugaukanga mae ri sikontu ummakKu. INakke, Batara, anne akkana.”

PAMMILANGNGANG 11:13

Kicini'mi, antekamma tulusu' akkunrarenna ke'nanga appala' dageng. Nampa kemae musti kupa'boyang dageng tau sikammaya anjo jaina?

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!