2 KARAENG-KARAENG 7:15 - KITTA' MATANGKASA'

¹⁵ A'lampami ke'nanga sa'genna mange ri Binanga Yordan. Ri tangngana aganga jaimi nacini' ke'nanga pakeang siagang pakkakasa' tassiara' mange-mange. Yangasenna anjo apa-apaya nipasambila kammajinjo bawang ri tu Siria ri wattunna lari ke'nanga. Ammotere'mi anjo sikamma tunisuroa nampa a'laporo' mae ri karaenga.

2 KARAENG-KARAENG 7:15 Referans Kwoze

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?

YESAYA 31:7

Nia' se're wattu sallang nanupela' ngaseng sikamma patung barhala battua ri pera' siagang bulaeng nupareka kalennu, lalang dorakanu.

YESAYA 22:24

Mingka sikamma bija pammanakanna siagang sikamma tanggonganna la'jari tanggongangi mae ri ia. La'dingkolengi ke'nanga mae ri ia, rapang uring ta'gentunga mae ri paku lompoa.

YESAYA 10:3

Apa lanugaukang punna narapi' wattunna Allata'ala anghukkungko? Apa kullenu ri wattunna Napabattu balaya battu ri pa'rasangang bellaya? Inai lanupappala' tulungi? Kemae lanucokko anjo kakalumanynyangannu?

AYUB 2:4

Mingka appialimi lapung Panggoda angkana, “Nyawana siagang pakkamalena tubua la'bi lompoangngangi anggaranna na pa'barang-barangnganga. Rellai rupataua angkoro'bangkangi sikontu apa-apanna, assala' akkullei tulusu' attallasa'.

ESTER 1:7

Appasadiai karaenga anggoro' sanna' jaina ia nipatalaya lalang ri cangkiri' bulaeng sangka' rupaya tanja'na.

2 KARAENG-KARAENG 7:14

Jari napileimi ke'nanga siapa are tau nampa nasuro karaenga anjo ke'nanga a'dongko' ri rua kareta pa'bundukang a'lampa mange ansalidiki apa le'baka kajariang mae ri tantara Siria.

2 KARAENG-KARAENG 7:16

Jari larimi pandudu'na Samaria assulu' ri kotaya nampa naalle kabusu' apa-apa niaka ri pakkemaanna tu Siria. Sangkamma apa le'baka Napau Batara, kajariang tojemmi angkanaya tallu kilo gandung kaminang baji' yareka annang kilo gandung biasa ballinna se'reji doe' pera'.

KATO'BA 3:6

Allata'ala ampattantui wattu anggappaya siagang wattu kapelakkanga, wattu ammoli' siagang wattu a'labo,