2 KARAENG-KARAENG 6:16 - KITTA' MATANGKASA'

¹⁶ Appialimi Elisa angkana, “Teako mallakki. Ia niaka angngagangki' la'bi jaiangngangi naanjo ke'nanga.”

2 KARAENG-KARAENG 6:16 Referans Kwoze

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

1 YOHANES 4:4

Mingka sikamma ana'-anakku, ikau tau battu ngasengko ri Allata'ala assala'nu. Le'ba'mi nubeta na'bi-na'bi balle-ballea, nasaba' Roh niaka ri kau la'bi makoasangangi na roh niaka ri taunna ngaseng anne linoa.

PAMMUJI 55:18

Allo bangngia' akkunrareng siagang angngarru', na Napilangngeri sa'rangku.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

KALAPPASSANG 14:13

Appialimi Musa angkana, “Teako mallakki! Attahangko! Lanuciniki apa Nagaukanga Batara untu' ampasalamakko. Anjo tu Mesir niaka nucini' kamma-kamma anne, tenamo nalanucini' pole.

MATIUS 26:53

Maka tenapa nuassengi angkanaya punna erokKa', akkullei Kupala' ri ManggeKu sollanna Nasuro battu silalonna memang surudadu malaeka'Na, sampulo anrua sa'bu battu angngalleiA'?

PAMMUJI 27:3

Manna kunikatulung ri pasukang lompoa, tena kulamalla'. Manna nakajariang bunduka angngewa', tuli manrannuangku.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

FILIPI 1:28

Paralluko tuli barani; teako mallaki mae ri musu-musunnu. Iaminjo a'jari butti angkanaya ma'nassa lanibetai ke'nanga, na ikau mattantu lammeta, nasaba' KalenNa Allata'ala ampassareangi anjo pammetanga mae ri kau.

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 3:6

Kunra'ba naung sannang tinroku, kumbangung pole lanri niriwaku.

MARKUS 16:6

Nakanamo anjo tu rungkaya, “Teako mallakki! Kuassengi angkanaya Isa, anjo tu battua ri Nazaret, siagang le'baka nisalli' battu nuboya. Mingka cini'mi tenami anrinni ri tampa'Na niboli'. Le'ba'mi attallasa' poleang.

PAMMUJI 11:1

Untu' pamimping pakelong. Pammujina Daud. Ma'la'langa' ri Batara; tena matu-matunna makkana ri nakke, “Pasalamaki kalennu sanrapang jangang-jangang anri'baka mange ri moncong.

PA'JARIANG 32:1

Napannarrusu'mi pa'jappanna Yakub. Nampa nia'mo siapa are malaeka' battu mae ri ia.

2 KARAENG-KARAENG 6:15

Ammukona, ri bari'basa' dudua ri wattunna ambangung siagang assulu' palayanna Elisa, nacini'mi tantara Siria angkurungi anjo kotaya, sangka' siagang jarang na kareta pa'bundukanna ke'nanga. Jari ammotere'mi mange ri Elisa angkana, “Ballasa' maki' bapa'! Apa musti nigaukang?”

YOSUA 11:6

Nakanamo Batara mae ri Yosua, “Teako mallakki mae ri ke'nanga. Ri wattu kamma-kammaya anne ammuko, le'ba' ngasemmi Kubuno ke'nanga lanri tu Israel. Musti nupesoki jaranna ke'nanga, siagang musti nutunui kareta-kareta pa'bundukanna ke'nanga.”

YEREMIA 39:17

Mingka iNakke, Batara laKula'langngiko. Tena nalaKupassareangko mae ri tau nukamallakkanga.