2 KARAENG-KARAENG 5:9 - KITTA' MATANGKASA'

⁹ Lanri kammana anjo a'lampami Naaman siagang kareta jaranna mange ri balla'na Elisa, nampa ammantang ri dallekanna pakke'buka.

2 KARAENG-KARAENG 5:9 Referans Kwoze

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

2 KARAENG-KARAENG 6:32

Nampa nasuromo karaenga se're tau a'jappa riolo mange ri balla'na Elisa. Anjo wattua niaki Elisa ri balla', siagang siapa are tau toa-toana pa'rasanganga sitabang a'manaikang anjoreng. Lalang tenanapa nabattu anjo surona karaenga, nakanamo Elisa mae ri anjo sikamma tau toa-toana pa'rasanganga, “Parhatikangi! Anjo pabuno-bunoa assuroi tau battu mae untu' ambunoa'. Punna battu sinampe' anjo taua, tongkoki pakke'buka siagang teako pa'biangi antama'. Ri bokona laniaki kalenna karaenga.”

2 KARAENG-KARAENG 3:12

Nakanamo Karaeng Yosafat, “Kammatojengi! Memang a'bicarai Batara tete ri ia.” Jari a'lampami anjo tallua karaeng mange ri Elisa.

2 KARAENG-KARAENG 5:8

Nalangngereki Na'bi Elisa anjo passalaka, nampa akkirimmo pasang mae ri karaeng Israel angkana, “Angngapa nulussa'? Suroi anjo taua battu mae ri nakke sollanna naasseng angkanaya ri anne Israel nia' sitau na'bi!”

2 KARAENG-KARAENG 5:10

Nasuromi Elisa sitau palayang untu' akkana kamma anne ri Naaman, “A'lampaki' a'je'ne' pintuju ri Binanga Yordan, nakiammolle taba sikali sallang.”