2 KARAENG-KARAENG 4:42 - KITTA' MATANGKASA'

⁴² Ri se'reang wattu maraeng, nia' sitau bura'ne battu ri Baal-Salisa. Napangngerangngangi Elisa gandung beru nikatto kammayatompa ruampulo roti nipareka battu ri wassele' bungasaka ri wattu pakkattoang anjo taunga, kammayatompa battu ri gandung beru nikattoa. Nasuro bagemi Elisa anjo rotia mae ri anjo na'bi-na'bia,

2 KARAENG-KARAENG 4:42 Referans Kwoze

1 SAMUEL 9:7

Nakanamo Saul, “Punna mangeki' ri ia, apa lanisareangi? Bokong nieranga la'busu'mi, na ikatte tenamo apa-apanta untu' lanisareangi anjo atanNa Allata'ala.”

YOHANES 6:13

Napasse're ngasemmi ke'nanga, na nia' sampulo anrua baku' rassi ngaseng tassesa battu ri anjo roti limambatua, nakanrea anjo tau jaia.

YOHANES 6:9

“Anrinni nia' ana'-ana' bura'ne angngerang limambatu roti siagang ruang kayu juku'. Mingka apa matu-matunna anne mae ri tau sikammaya jaina?”

2 KARAENG-KARAENG 7:1

Appialimi Elisa angkana, “Pilangngeri anne apa Napaua Batara! Ammuko kira-kira ri wattu kamma-kammaya anne, lanri se'reji bawang doe' pera' akkullei taua ammali tallu kilo gandung kaminang bajika yareka annang kilo gandung maraengannaya.”

1 SAMUEL 9:4

Jari a'lampami Saul siagang palayanna antulakkangi daera pa'bulukanna Efraim siagang butta Salisa. Mingka tanagappayai anjo olo'-oloka. Nampa a'jappa tulusu' ke'nanga mange ri butta Sahalim, mingka tena tongi anjo keledai-keledaia anjoreng. Naboya tommi ri daera Benyamin, mingka sia-siaji.

1 KORINTUS 9:11

Jari ikambe anne le'ba' maki' sanrapang appakioro' bine rohani ilalang ri katallassannu ngaseng. Na punna anggappa ikambe barakka' pa'barang-barangang battua ri kau ngaseng, maka nukana jai dudumi natuntu' ikambe battu ri kau ngaseng?

2 KARAENG-KARAENG 4:38

Ri se'reang wattu natujui sikontu pa'rasanganga bala kacipurang. Jari ammotere'mi Elisa mange ri Gilgal. Ri wattunna sitabang angngajara' siapa are jaina na'bi, nasuromi palayanna angngalle uring lompo nampa napappalluang ke'nanga.

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.

PAOLE 12:6

Anjoremmi ri tampaka musti nuerang sikamma koro'bang nitunua siagang sikamma koro'bang maraenganga, passare bage sampulona panggappannu siagang passare maraengannaya, koro'bang pa'bayara' tinja'nu, koro'bang passare ero' kalennu, kammayatompa ana' sapi, ana' bembe, siagang ana' gimbala' bungasa' lassuka.

PAOLE 8:8

Anjo pa'rasanganga angngerangi wassele' sangka' rupanna, kammayami gandung, anggoro', rappo ara, rappo delima, poko' zaitun siagang bani.

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

1 KARAENG-KARAENG 14:3

Pangngerangngangi sampulo batunna roti, sike'de' kanrejawa, siagang sibotolo' je'ne' bani. Pakkuta'nangngangi ri ia angkanaya apa lakajariang ri Abia, anatta. Lanapauangko anjo na'bia.”

2 KARAENG-KARAENG 5:5

Nakanamo karaenga, “Baji'mi, a'lampamako mange ri karaeng Israel. Lannulisikka' sura' mae ri ia.” Jari a'lampami Naaman, nangngerang 30.000 doe' pera', 6.000 doe' bulaeng, siagang 10 pasang pakeang ga'ga ngaseng.

PAMMILANGNGANG 18:12

Kupassareangi mae ri kau sikamma kaminang bajika battu ri kattoang uru-urua, napassareanga tu Israel mae ri Nakke tunggala' taung, iamintu minynya' zaitun, je'ne' anggoro' siagang gandung.

PAMMILANGNGANG 18:13

Yangasenna anjo kammaya untu' ikau. Tunggala' anggota kaluarganu tenaya nara'masa' akkullei nakanre.