2 KARAENG-KARAENG 4:31 - KITTA' MATANGKASA'

³¹ A'lampa riolomi Gehazi ri dallekanna ke'nanga untu' ampadongkoki takkanna Elisa ri kalenna anjo anaka, mingka tena sikali sa'ra yareka pammatei maraengannaya angkanaya attallasaki anjo anaka. Nampa a'lampamo Gehazi ambuntuli Elisa na nakana, “Tena nambangung anjo anaka.”

2 KARAENG-KARAENG 4:31 Referans Kwoze

YOHANES 11:11

Kammaminjo Nakanaya Isa. Nampa Nakana pole, “Attinromi passari'battanganta Lazarus; mingka lamangeA' ampabangungi.”

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

MARKUS 5:39

Antama'mi Isa ri ballaka nampa Nakana ri ke'nanga, “Angngapa nugegere' siagang angngarru' kamma ngaseng? Anjo anaka tena namate, mingka attinronaja!”

DANIEL 12:2

Jai ri ke'nanga mateamo lattallasa' poleangi; sipa'gang lanakasiaki katallassang mannannunganga na sipa'gang pole lanakasiaki tunaya siagang kapa'risanga sa'genna todong satunggu-tungguna.

YEHEZKIEL 14:3

“He tau, sikamma anne taua napappirannuammi kalenna mae ri barhalaya sa'genna ta'loposo'mo ke'nanga antama ri dosaya. Masakang erokKa' nikuta'nang ri ke'nanga?

AYUB 14:12

kamma tomminjo tau mateamo; tenamo nakkulle ambangung poleang. Tenamo nalambangung lalang nia'na ija langika, tenamo nale'ba' ambangung poleang battu ri tinrona.

1 KARAENG-KARAENG 18:29

Kammaminjo situlusu'na nagaukang ke'nanga sa'genna karueng, sangkamma nicini' tunisoso' ri setang. Mingka tena appiali ri ke'nanga, tena amparhatikangi.

1 KARAENG-KARAENG 18:26

Jari ammilemi ke'nanga sikayu sapi nampa napasadia. Le'baki anjo appala' doammi ke'nanga ri Baal, battu ri bari'basa' sa'genna tangngallo siagang akkiok-kio', “Baal, pilangngeri ikambe!” Nagaukammi ke'nanga nampa turus a'joge'-joge' ri tammulilina anjo tampa' koro'banna ke'nanga. Mingka tena sikali pappiali mae ri ke'nanga.

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

1 SAMUEL 14:37

Nampa akkuta'nammo Saul ri Allata'ala angkana, “Akkulleja' mange ambunduki tu Filistin? Maka laKipassareanji ke'nanga ri limanna tu Israel?” Mingka anjo alloa tena Nappiali Allata'ala.

2 KARAENG-KARAENG 4:32

Battuna mange ri balla'na anjo bainea, antama'mi Elisa kale-kalenna ri kamara'na na nacini' maya'na anjo anaka anra'ba rate ri katinroanga.

2 KARAENG-KARAENG 5:20

appikkiri'mi Gehazi, iamintu palayanna Elisa, angkana, “Eh, angngapa nanilappassang a'lampa natena na'bayara'? Musti natarima bapakku anjo passarena tubattua ri Siria! Lanri Batara mattallasaka, musti kuondangi anjo taua sollangku anggappa apa-apa battu ri ia!”

2 KARAENG-KARAENG 8:1

Ri se'reang wattu appabattui Batara bala kacipurang ri Israel niaka tuju taung sallona. Rioloannaya le'ba'mi napau memang Elisa anjo passalaka mae ri baine battua ri Sunem le'baka napattallasa' poleang ana'na. Nasuro tongi Elisa anjo bainea a'lette' siagang kaluargana mange ri pa'rasangang maraenga.