2 KARAENG-KARAENG 4:1 - KITTA' MATANGKASA'

¹ Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

2 KARAENG-KARAENG 4:1 Referans Kwoze

MATIUS 18:25

Tanakulleami nabayara' anjo inranna. Jari napassuroammi anjo karaenga sollanna nibalukang anjo ataya sipakkalabini siagang ana'-ana'na, kammayatompa sikontu barang-baranna, nampa nabayara' inranna.

2 KARAENG-KARAENG 2:3

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Batara?” Appialimi Elisa angkana, “Iyo, kuassenji. Mingka teami nibicarai anjo passalaka.”

PAPPICINI' 19:5

Nampa nia' kulangngere' sa'ra battu ri anjo empoang kala'biranga angkana, “Pujimi Allata'ala, ikau sikontu atanNa, siagang sikontu rupataua, tau lompo yareka ca'di, ia anynyombaya ri Allata'ala, pujimi Allata'ala!”

MATIUS 18:30

Mingka tanajampangiaji anjo aganna. Ba'lalo napantama'ji ri tarungkua anjo aganna sa'genna nabayara' ngaseng inranna.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

MALEAKHI 3:16

Nampa sikamma tau mallaka ri Batara massing sipa'bicarami para ia. Napilangngeri siagang Naparhatikangi Batara apa napaua ke'nanga. Sikamma tau mappakalompoa ri Ia siagang tau mallaka ri Ia, nitulisiki arenna lalang ri se'reang kitta' catatang niaka ri dallekanna.

PAMMUJI 147:11

Ia Nangaia Batara iamintu tau mappilangngeria, tau tuli manrannuanga ri pangngamaseanNa.

PAMMUJI 103:17

Mingka tuli Nakamaseangi Batara tu mappilangngeria, tulusu' a'jarina kabajikanNa ri sikontu turungang,

PAMMUJI 103:11

Mingka antekamma tinggina langika battu ri buttaya, kammaminjo lompo pangngamaseanNa mae ri tau mappilangngeria.

1 SAMUEL 22:2

Kammayatompa sikamma tau nijallakkanga, tau niaka inranna, tenaya nasukku' nasa'ring pa'mai'na, yangasenna ke'nanga a'gabummi siagang Daud, nampa a'jarimo Daud pamimpinna ke'nanga. Ia jaina anjo tau amminawanga ri Daud nia' kira-kira 400 tau jaina.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;

MATIUS 18:35

Na ri kala'busang caritaNa Isa Nakanamo, “Kammatommi anjo sallang laNagaukanga ManggeKu ri kau ngaseng, punna tena nuero' ampammopporangi sari'battannu siagang ati maci'nonnu.”

YEREMIA 34:14

Kukana, sikontu ata tu Ibrani le'bakamo allayani annang taung sallona, musti nipakabebasaki ri kala'busanna taung makatujua. Mingka taerokai boe-boenu amparhatikangi yareka ampilangngeri anjo apa Kupaua.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

KATO'BA 8:12

Manna sibilangngang kaja'dallang nagaukang se'rea tu doraka, tuli attallasa'na, ba'lalo la'bui umuru'na. Bedeng, nakana taua inai mannuruki ri Allata'ala, mattantu sarro bajiki tallasa'na.

NEHEMIA 10:31

Punna nia' bansa maraeng ero' ambalukangi gandunna yareka barang-barang apa mamo mae ri kambe ri allo Pammari-marianga yareka allo nipakatangkasaka maraengannaya, talanaballiai ikambe. Punna narapi' taung-taung makatujua, talanjamayai ikambe ri kokoa siagang talanasingarai pangnginranganna ikambe.

NEHEMIA 7:2

Pamarentahanga ri Yerusalem kupappirannuangi mae ri sari'battangku Hanani siagang Hananya, panglimaya, nasaba' ia la'bi bajikangngangi natau maraenga, mallaki ri Allata'ala siagang akkullei nipatappa'.

2 KARAENG-KARAENG 4:38

Ri se'reang wattu natujui sikontu pa'rasanganga bala kacipurang. Jari ammotere'mi Elisa mange ri Gilgal. Ri wattunna sitabang angngajara' siapa are jaina na'bi, nasuromi palayanna angngalle uring lompo nampa napappalluang ke'nanga.

2 KARAENG-KARAENG 2:5

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Allata'ala?” Appialimi Elisa angkana, “Iyo, kuassenji. Mingka teami nibicarai anjo passalaka.”

1 KARAENG-KARAENG 20:35

Lanri parentaNa Batara, nia'mo sitau na'bi battu ri pa'rappunganna anjo na'bia ansuro ba'ji anjo aganna. Mingka taerokai anjo aganna.

1 KARAENG-KARAENG 18:3

Lanri kammana Ahab nakio'mi Obaja sollanna battu andallekang. (Obaja iamintu kapala ruma tanggana balla' kakaraenganga. Ia tau sanna' attojeng-tojenna assambayang ri Batara.

KAIMANGNGANG 25:48

anjo tu Israelka tuli nia'na ha'na nipasulu'. Kalase'renna sari'battanna bura'nea,

PA'JARIANG 22:12

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

PAMMUJI 115:13

LaNabarakkaki sikamma tau mappilangngeria, baji' tau ca'di kammayatompa lompoa.

2 KARAENG-KARAENG 6:9

Mingka akkirimmi Elisa kabara' mange ri karaeng Israel untu' ampakaingaki sollanna tena na'lampa ke'nanga mange anjoreng ri tampaka, lanri biasana tu Siria anjorengi angngalle oloang.

YESAYA 50:1

Nakana Batara ri Israel, “He ummakKu, nukapangi angkana Kubongkako rapang se'rea bura'ne ambongkai bainenna? Punna kamma, kemae sura' talla'na? Nukapangi angkana Kubalukangko, rapang sitau mangge ambalukangi ana'na mae ri tau assingaraka pappiinrang? Tena! Nitahangko siagang nipelakko, lanri dosanu siagang kaja'dallang kalennu!

RUT 1:3

matemi Elimelekh. Jari ammantammi Naomi siagang anjo ruaya ana'na.

2 KARAENG-KARAENG 2:7

siagang nia' limampulo na'bi ampinawangi ke'nanga. Nampa ammantammo Elia siagang Elisa ri biring binangaya, nampa anjo limampuloa na'bi ammentengi tena siapa bellana battu ri anjo tampaka.

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

PANGNGEBARANG 22:7

Tu kasi-asia nikoasai ri tau kalumanynyanga; tau angnginranga nikoasai ri tau assarea angnginrang.