2 KARAENG-KARAENG 3:20 - KITTA' MATANGKASA'

²⁰ Ammukona, ri wattu assarena ke'nanga koro'bang bari'basa', nia'mo je'ne' assolong battu ri Edom sa'genna rassi anjo balanga.

2 KARAENG-KARAENG 3:20 Referans Kwoze

DANIEL 9:21

Lalang appala' doangku, anjo Gabriel, le'baka kucini' lalang paccinikku riolo, nia'mi anri'ba' a'lampa mae ri nakke. Anjo wattua narapi'mi wattunna taua assare koro'bang karueng.

PAMMUJI 78:20

Memang Natunrungi moncong batu kassaka, sa'genna assolong sarring je'neka. Mingka maka lakkulle tongi Napasadiang roti siagang Nasare dageng umma'Na?”

1 KARAENG-KARAENG 18:36

Ri wattunna narapi'mo wattunna assare koro'bang karueng, a'reppese'mi Na'bi Elia mae ri anjo tampa' pakkorobangnganga nampa appala' doang angkana, “O Batara, Allata'ala nasombaya Abraham, Ishak siagang Yakub, Kipa'nyatai kamma-kamma anne angkanaya iKattemi Allata'alana Israel, siagang inakke anne atanTa. Kipa'nyata tongi angkanaya sikontu anne apa kugaukanga lanri parentaTa.

2 KARAENG-KARAENG 3:21

Nalangngere'na tu Moab angkanaya nia'mi battu anjo tallua karaeng ero' ambunduki ke'nanga, sikontu taua – battu ri kaminang toaya sa'genna kaminang loloa – ia akkullea ammisang sanjata, nipagio' kabusu'mi nampa nipamange ri daera pa'baeng-baenga.

PAMMUJI 107:35

Parang lompoa Napinrai a'jari kollang je'ne' butta kalotoroka Napa'jari timbuseng je'ne'.