Biblia Todo Logo
Bib sou entènèt

- Piblisite -




2 KARAENG-KARAENG 3:11 - KITTA' MATANGKASA'

11 Akkuta'nammi Karaeng Yosafat angkana, “Apaka tena anrinni na'bi akkulle akkuta'nang ri Batara untu' ikatte ngaseng?” Nia'mo kalase'renna perwira appiali angkana, “Nia', iamintu Elisa ana'na Safat! Ia riolo pambantuna Na'bi Elia.”

Gade chapit la Kopi




2 KARAENG-KARAENG 3:11
27 Referans Kwoze  

Mingka akkuta'nammi pole Yosafat angkana, “Maka tenamo anrinni na'bi maraeng akkullea akkuta'nang ri Batara untu' ikatte?”


Ammotere'mi Elisa mange ri kokonna, nampa nasamballe sapi-sapina. Naia pa'jekona napareki a'jari kayu tunuang untu' ampallui dagenna anjo sapi-sapia. Nampa napa'bage-bageang anjo dagenga mae ri ana' buana, na nakanremo ke'nanga. Le'baki anjo a'lampami Elisa ampinawangi Elia, siagang a'jarimi pambantuna.


Mingka, sangkamma Yerobeam ana'na Nebat ammarentaya rioloannaya, naerang tongi tu Israel mae ri dosaya siagang tena nammari anggaukangi anjo passalaka.


Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.


Tenamo nicini' na'bi-na'bi siagang tanra-tanra appakalannasa', manna sitau tania' angngassengi sa'genna siapa sallona tulusu' lakamma anne.


Ri wattu bungasa' nipalette'na anjo Pattia, tena ngasengko anjoreng untu' angngangkaki. Lanri kammana minjo naNahukkungki' Batara, Allata'alata, nasaba' anynyombaki' ri Ia tena nasituru' ero'Na.”


Sikalipi pole appala' pitunju' Daud mae ri Allata'ala. Nappialimo Allata'ala angkana, “Teako bunduki ke'nanga battu anrinni, mingka a'jappamako numminro nampa nubunduki ke'nanga battu ba'leang, ri ampi'na tampa' niaka poko'-poko' murbei.


Nalangngere'na Daud anjo kabaraka akkuta'nammi ri Allata'ala angkana, “O Batara, mustika a'lampa' mange ambunduki anjo tu Filistin? Maka laKisarea' pammetang?” Appialimi Batara angkana, “Iyo, bundukimi! LaKusareko pammetang!”


Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.


Napannarrusuki lampana Elisa mange ri Moncong Karmel, nampa ammotere' mange ri Samaria.


niassemmi angkanaya nangai a'gau' bajika, kammaya: le'ba'mi napakalompo baji' ana'-ana'na, nangai annarimaya toana a'bangngi ri balla'na, nalayani tau tappaka, siagang natulungi tau susaya; bodona kana, le'ba'mi nagaukang tojeng-tojeng a'rupa-rupaya jama-jamang baji'.


Kalennu ngasemmo anciniki buttina angkanaya a'matu-matui Timotius. Anjama terasa' tommi siagang inakke untu' ampa'la'bangi Kabara' Baji' battua ri Allata'ala. Ikambe sipa'rua sangkamma maki' ana' na mangge.


A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”


Naallemi tu Israel sike'de' anjo kanrena tu Gibeon, siagang takkuta'nangngai ri Batara ri sesena anjo passalaka.


Ri matenamo Musa, iamintu atanNa Batara, a'bicarami Batara mae ri wakkele'na Musa, iamintu Yosua ana'na Nun.


Boli'mi kamma nakungngalle je'ne' untu' anbissai bangkenta ngaseng. Mae maki' ammari-mari poso irawanganna anne poko' kayua.


Ammarrammi Karaeng Yoram angkana, “Ballasa' maki'. Le'ba'mi kutadeng Narancanakang Batara untu' ampassareangki' sipattallu mae ri karaeng Moab!”


Nakanamo Karaeng Yosafat, “Kammatojengi! Memang a'bicarai Batara tete ri ia.” Jari a'lampami anjo tallua karaeng mange ri Elisa.


Nampa Karaeng Zedekia nasuroi taua angngeranga' mange andallekang ri ia ri balla' karaenga. Anjoreng akkuta'nang cokko-cokkomi ri nakke angkana apaka nia' pasang battu ri Batara. Appialima' angkana, “Nia'.” Nampa kupauang pole angkana, “Lanipassareangki' mae ri karaeng Babel.”


Mingka akkuta'nammi pole Yosafat angkana, “Apaka tenamo anrinni na'bi maraeng akkullea akkuta'nang mae ri Allata'ala untu' ikatte?”


Swiv nou:

Piblisite


Piblisite