2 KARAENG-KARAENG 22:2 - KITTA' MATANGKASA'

² Yosia nagaukangi apa Nangaia Batara. Naturuki panggaukanna boena iamintu Karaeng Daud, siagang naturuki tojeng-tojengi sikontu hukkunNa Allata'ala.

2 KARAENG-KARAENG 22:2 Referans Kwoze

YOSUA 1:7

Iaji bawang, paralluko tappa' tojeng-tojeng siagang barani. Musti nujagai sollanna tuli nuturuki sikontu hukkung napassareanga anjo atangKu Musa mae ri kau; teako kaluppai manna sike'de', sollanna a'jari usahanu.

PAOLE 5:32

Sikamma sari'battangku, turuki siagang pa'mai' tamamminra sikontu apa Naparentakanga Karaeng Allata'alanu mae ri kau ngaseng. Teako dakkai manna se're sikamma anjo parentaya.

2 KARAENG-KARAENG 18:3

Nagaukangi Hizkia apa Nangaia Batara sangkamma nagaukanga Daud boe-boena.

1 KARAENG-KARAENG 3:6

Appialimi Salomo angkana, “O Batara, le'ba'mi Kipappicinikang angkanaya sanna' Kikamaseanna manggeku Daud, anjo atanTa. Ia bajiki, lambusuki, kammayatompa tamamminrayai mae ri Katte. Na salaku jaminang, angkanaya latuli Kikamaseanna, Kisaremi sitau ana' bura'ne ia ammarentaya kamma-kamma anne untu' ansambeangi.

PANGNGEBARANG 20:11

Battu ri panggaukanna anaka nakkulle niasseng apaka bajiki siagang lambusuki gau'na.

PANGNGEBARANG 4:27

Pakabellai kalennu battu ri kaja'dallanga, siagang lambusukko lalang tallasa'nu. Tea' laloko ammengkai battu ri oloang annabaya.

2 PATTOTTORANG 29:2

Nagaukangi Hizkia panggaukang Nangaia Batara sangkamma todong nagaukanga Daud boe-boena.

2 KARAENG-KARAENG 16:2

Anjo wattua 20 taung umuru'na siagang ammarentai ri Yerusalem 16 taung sallona. Tena naturuki panggaukang baji'na Karaeng Daud boe-boena, passangalinna nagaukangi apa tenaya Nangai Batara, Allata'alana.

1 KARAENG-KARAENG 11:38

Punna ikau, sangkamma atangKu Daud, mannuruki tojeng-tojengko ri hukkung-hukkungKu, siagang nupakasannang atingKu, iamintu nugaukangi sikontu apa Kuparentakanga ri kau, tuli laKururungangko. LaKupa'jariko karaeng Israel. LaKutanggongi angkanaya turungannu la'jari karaeng ansambeangko, kamma le'baka Kugaukang mae ri Daud.

2 PATTOTTORANG 17:3

Nabarakkaki Batara anjo Yosafat lanri naturuki apa nagaukanga manggena; tena nanynyomba ri Baal,

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

2 PATTOTTORANG 31:20

Ri sikontu Yehuda, napajappai Karaeng Hizkia kaadelanga, lambusuki ri panggaukanna, siagang napakasannangi pa'mai'Na Karaeng Allata'alana.

2 PATTOTTORANG 34:1

Nampami 8 taung umuru'na Yosia ri wattunna a'jari karaeng ri Yehuda, siagang ammarentai 31 taung sallona ri Yerusalem.

ZEFANYA 1:1

Zefanya iamintu ana'na Kusyi. Pa'lo'lorang passibijanna battu rawa sa'genna nai' iamintu: Kusyi, Gedalya, Amazia, siagang Karaeng Hizkia. Iaminne pasanNa Batara mae ri Zefanya, ri wattu Karaeng Yosia ana'na Amon ammarenta ri Yehuda.

1 KARAENG-KARAENG 15:11

Sangkamma Daud, boe-boena, Asa napakasannangi atinNa Batara.

2 KARAENG-KARAENG 12:3

Iaji bawang sayanna, lanri tenana naputtai tampa' panynyombanga mae ri rewataya, sa'genna tuli assarena ra'yaka koro'bang siagang attunu dupa anjoreng ri tampaka.

2 KARAENG-KARAENG 14:3

Anjo Amazia nagaukangi apa napakassannanga pa'mai'Na Batara, mingka tenapa nasangkamma Daud boe-boena. Sangkamma todong manggena,