2 KARAENG-KARAENG 21:2 - KITTA' MATANGKASA'

² Dorakai Manasye ri Batara, lanri naturuki kabiasang ja'dala'na bansa-bansa nabongkaya Batara battu ri Kanaan ri wattu napantamakkinna tu Israel anjo pa'rasanganga.

2 KARAENG-KARAENG 21:2 Referans Kwoze

YEHEZKIEL 16:51

Memang Samaria ja'dalaki, mingka dosana tena nabageruanna dosa-dosanu. Panggaukannu bellai la'bi ja'dala'na. Sikamma sari'battang bainenu sanrapangi tau tena salana punna nipassingebarangko. Ikau musti nipakasirikko siagang a'jari hinako!”

YEREMIA 15:4

LaKupa'jari sikontu bansaya ri lino sanna' malla'na anciniki ke'nanga. Kugaukang ngasengi anjo sikammaya lanri panggaukanna Manasye ana' bura'nena Hizkia ri Yerusalem ri wattunna ia a'jari karaeng ri Yehuda.”

2 PATTOTTORANG 36:14

Pantaranganna anjo, Balla'Na Batara le'baka Natangkasi Batara untu' KalenNa, nira'massi ri pamimping-pamimpinna tu Yehuda, imang-imanga, siagang ra'yaka, lanri amminawang turu'na todong ke'nanga anynyomba barhala siagang naturuki panggaukanna bansa-bansa dorakaya ri tammulilina ke'nanga.

2 KARAENG-KARAENG 22:17

Le'ba'Ma' nabokoi ke'nanga siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang tena nakkulle nipanaung larroKu.

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

2 KARAENG-KARAENG 21:7

Gambara'na Dewi Asyera naboliki lalang ri Balla'Na Batara, padahala' ri passala'na anjo tampaka le'ba'mi Napau Batara mae ri Daud siagang ana'na iamintu Salomo angkana, “Anne BallakKu siagang anne kota Yerusalem, le'ba'mi Kupile battu ri alla'na daera sampuloa anrua suku Israel, iamintu tampa' le'baka Kupattantu a'jari tampa' panynyombang mae ri KalengKu.

PAOLE 12:31

Tea' laloko palembai carana anjo bansa-bansaya anynyomba ri rewata-rewatana ke'nanga untu' anynyomba ri Karaeng Allata'alanu, nasaba' anjo ke'nanga punna anynyombai nagaukangi apa-apa pallaka siagang Nakabirisia Batara. Ba'lalo manna ana'na ke'nanga natunui ke'nanga irate ri tampa' pakkoro'bangnganga salaku koro'bang untu' rewata-rewatana ke'nanga.

2 KARAENG-KARAENG 21:11

“Karaeng Manasye teai sipato' ja'dala'na. Bella la'bi ja'dala'na panggaukanna na panggaukanna tu Kanaan. Lanri barhala-barhala napareka nanaerang tu Yehuda mange ri gau' dosaya.

2 KARAENG-KARAENG 21:20

Sangkamma todong manggena, doraka tongi mae ri Batara.

2 KARAENG-KARAENG 23:32

Dorakai Yoahas mae ri Batara sangkamma todong boe-boena.

2 KARAENG-KARAENG 24:9

Sangkamma todong manggena, Yoyakhin doraka tongi mae ri Batara.

KATO'BA 9:18

A'matu-matuangngangi kacara'dekanga kala sanjataya, mingka silisere' tai balao anra'massi je'ne' sigumbang.

YESAYA 66:4

Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

2 KARAENG-KARAENG 17:2

Dorakai mae ri Batara, mingka tena nasangkamma jaina dosana siagang dosa-dosana sikamma karaeng Israel ammarentaya rioloanganna.

2 KARAENG-KARAENG 21:21

Naturuki sikamma panggaukanna manggena, siagang anynyombai ri barhala-barhala nasombaya manggena.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

YEHEZKIEL 22:3

Nasuroa' Batara Kaminang Tinggia ampabattui anne pasanNa mae ri Yerusalem, angkana, “Ikau salako lanri le'bakko ammuno jai tau battu ri pandudu'nu tonji, siagang nura'massi kalennu lanri anynyombako mae ri barhala-barhala nupareka kalennu. Lanri kammana anjo a'reppese'mi wattunnu laniadeli siagang lanarapi'mi kala'busang riwaya'nu. LaKubalang parekangko nicau-cau siagang nikakkali ri bansa-bansaya siagang ri sikontu pa'rasanganga.