2 KARAENG-KARAENG 19:8 - KITTA' MATANGKASA'

⁸ Anggappai kabara' anjo panglimana tantara Asyur angkanaya a'lampami karaenna ambokoi Lakhis siagang sitabangi a'bundu' sipa'baliang tau niaka ri kota Libna, tena nabella battu ri anjo tampaka. Jari a'lampami anjo perwiraya mange anjoreng untu' assigappa anjo karaenna.

2 KARAENG-KARAENG 19:8 Referans Kwoze

2 KARAENG-KARAENG 18:14

Jari akkirimmi Hizkia mange ri Sanherib niaka ri Lakhis, kabara' kammaya anne, “Inakke salama'. Lanri kammana anjo, kupalaki ri katte poro kipamari lalomi ambunduki anne ikambe. Sikontu pappalatta lakuturukiangki'.” Appialimi Hizkia angkanaya musti akkiringi Hizkia mae ri ia 10.000 kilogarang pera', siagang 1.000 kilogarang bulaeng.

YOSUA 10:29

Le'baki anjo, a'gio'mi Yosua siagang tantarana turus battu ri Makeda mange ri Libna nampa nabunduki Libna.

MIKHA 1:13

Ikau ngaseng pandudu'na Lakhis, patabami jaranga ri kareta bunduka! Nupalembai dosa-dosa nigaukanga ri Israel sa'genna doraka tommo Yerusalem napakamma.

2 KARAENG-KARAENG 8:22

Appakkaramula anjo wattua tenamo natundu' Edom ri Yehuda. Ia todong anjo wattua nangngewa tommo Libna.

YOSUA 15:42

Kammayatompa salapang kota siagang desa-desa niaka ri tammulilina, iamintu: Libna, Eter, Asan, Yiftah, Asna, Nezib, Kehila, Akhzib siagang Maresa.

2 KARAENG-KARAENG 19:9

Le'ba'mi anggappa karaeng Asyur kabara' angkanaya nia'mi lalang pa'jappang pasukang Mesir nipimpinga ri Tirhaka karaeng Sudan untu' battu ambunduki ke'nanga. Lanri kammana anjo, akkirimmi karaeng Asyur sura' mange ri Hizkia karaeng Yehuda.