2 KARAENG-KARAENG 19:3 - KITTA' MATANGKASA'

³ Iaminne pasanna Hizkia napabattua ke'nanga mae ri Yesaya, “Anne alloa natujua' susa; nihukkungki' siagang nitunaiki'. Rapangki' baine eroka ammana' mingka tenamo kagassinganta.

2 KARAENG-KARAENG 19:3 Referans Kwoze

HOSEA 13:13

Nia' kasampatanna Israel untu' attallasa', mingka sanna' dongo'na sa'genna tena napa'matu-matui anjo kasampatanga. Rapangi ana' lolo lalang battang; tasalloami nalassu' mingka takkulleai assulu' battu ri pammanakkanna amma'na.

YESAYA 66:9

Teako kapangngi angkanaya laKururungangi ummakKu sa'genna wattu kalassukanna siagang tena naKulappassang ke'nanga lassu'.” Kammaminjo kananNa Batara.

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

PAMMUJI 95:8

“Teako terassi ulunnu sangkamma boe-boenu ri Meriba, sangkamma wattunna ri Masa ke'nanga, ri parang lompoa.

PAMMUJI 39:11

Kialle laloi hukkunganTa battu ri kalengku, saba' a'birimma' mate napakamma pannunrunTa.

2 KARAENG-KARAENG 18:29

‘Teako eroki niballe-ballei ri Hizkia; tena nakkulle ampasalamakko.

2 KARAENG-KARAENG 19:2

Nampa nasuro Elyakim, kapala ruma tanggana balla' karaenga, Sebna jurutulisi'na pa'rasanganga, siagang sikamma imang toayamo, untu' a'lampa mange ri Na'bi Yesaya ana'na Amos. Ammake tommi ke'nanga kaeng karung.

2 KARAENG-KARAENG 19:4

Nia'mo sitau panglima tinggi pangka'na battu nasuro karaeng Asyur untu' antunai Allata'ala mattallasaka. Inai angngassengi, gassingka Nalangngere'mi Karaeng Allata'alanu anjo kana-kana mappakatunaya mae ri KalenNa, siagang Nahukkung tau le'baka ampasuluki anjo kana kammaya. Lanri kammana anjo appala' doang laloko mae ri Allata'ala untu' taunta attallasaka ija.”