2 KARAENG-KARAENG 13:7 - KITTA' MATANGKASA'

⁷ Le'ba'mi niancuru' tantarana tu Israel ri karaeng Siria sa'genna ia niaka nakammai Yoahas iamintu 50 tantara a'jarang, 10 kareta bundu', siagang 10.000 tantara.

2 KARAENG-KARAENG 13:7 Referans Kwoze

AMOS 1:3

Nakana Batara, “Pandudu'na Damsyik a'mole-molemi doraka, lanri kammana anjo ma'nassa laKuhukkungi ke'nanga. Sanna' palla'na panggaukanna ke'nanga mae ri tu Gilead,

2 KARAENG-KARAENG 10:32

Anjo wattua appakkaramulami Napa'jari ca'di Batara daera kakoasanna Israel. Naallei Hazael iamintu karaeng Siria sikontu daerana Israel

YO"EL 3:14

Assa'bu-sa'bui tau ri Ka'bung Pangadelanga. Nasaba' anjoreng labattui silalonna AllonNa Batara.

YESAYA 41:2

Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

YESAYA 36:8

Kamma-kamma anne inakke lalang arenna karaeng Asyur barania' ambotori angkanaya punna nisareko ruassa'bu jarang, mattantu tena sikamma anjo jaina tau akkulle andongkoki anjo jaranga.

PAMMUJI 18:42

Ammarrammi ke'nanga, mingka tena antulungi, akkio'mi ke'nanga ri Batara, mingka tena Nappiali.

2 KARAENG-KARAENG 8:12

Akkuta'nammi Hazael angkana, “Angngapa kingngarru' Bapa'?” Nakanamo Elisa, “Nasaba' kuassengi kaja'dallang eroka nugaukang mae ri tu Israel. Lanutunui kota-kotana niaka bentenna, lanubunoi tau rungkana kaminang bajika, siagang nuaccekang kallonna ana'-ana' loloa kammayatompa nupue battanna baine tiananga.”

1 KARAENG-KARAENG 20:27

Na tu Israel napasadia tommi tantarana nampa napagio' ke'nanga. Nampa majumo anjo tantarana Israel lalang rua pasukang, nampa akkema sidallekang siagang anjo tu Siria. Punna nipasimbandingi anjo tantara Siria jaia tassiara' anrassi anjo daeraya, sangkammaji nicini' tantara Israel ruang pa'rappungang bembe.

1 KARAENG-KARAENG 20:15

Jari napagio'mi karaenga sikamma tantara rungka-rungkaya pangawala'na sikamma kapala daeraya. Yangasenna nia' 232 tantara. Nampa napakammatommi anjo tantara Israel. Yangasenna nia' 7.000 jaina tau.

1 SAMUEL 13:15

Nampa a'lampa Samuel ambokoi Gilgal, na napatulusu' lampana mange ri Gibea, ri daera Benyamin. Lalanna anjo wattua naparessami Saul pasukanna, nia' kira-kira 600 tau jaina.

2 SAMUEL 22:43

Kuremoi ke'nanga rapang limbu'bu' tassimbunga siagang kubarrasa' rapang peo' ri aganga.

2 KARAENG-KARAENG 13:8

Pau-pau maraengannaya ri passala'na Karaeng Yoahas siagang sikontu jasa kabaranianna niaki nicata' lalang ri kitta' Riwaya'na sikamma karaeng Israel.

AMOS 4:10

AppabattuA' garring mae ri kau sangkamma Kupabattua mae ri Mesir. Sikamma tau rungkanu Kubunoi lalang pa'bundukang, siagang sikamma jarannu Kurampasaki. Kubonei pakkemaannu siagang bakke-bakke sa'genna sanna' botto'na nuara'. Mingka manna pole nakamma, tena tongijapa nummotere' ri Nakke.

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.