2 KARAENG-KARAENG 11:10 - KITTA' MATANGKASA'

¹⁰ Napassareammi Yoyada mae ri ke'nanga iamintu anjo perwira-perwiraya, poke-pokea siagang pakkakasa' pannangkisi'na Karaeng Daud, niaka niboli' lalang ri Balla'na Batara.

2 KARAENG-KARAENG 11:10 Referans Kwoze

2 SAMUEL 8:7

Sikamma pa'lapa' barambang bulaeng napakea tantarana Hadadezer nirampasaki ri Daud nampa naerang mange ri Yerusalem.

1 PATTOTTORANG 18:7

Sikamma pa'lapa' bulaeng napakea tantarana Hadadezer narampasa'mi Daud nampa naerang mange ri Yerusalem.

2 PATTOTTORANG 5:1

Le'baki nabangung Karaeng Salomo anjo Balla'Na Batara, naboli' kabusu'mi lalang ri gudang-gudanna anjo Ballaka sikamma pera', bulaeng, na barang-barang le'baka napassareang Daud manggena mae ri Batara.

1 SAMUEL 21:9

Appialimi Ahimelekh angkana, “Nia' kuboli' pa'danna Goliat, anjo tu Filistin le'baka nubuno ri Lappara' Ela. Anjo pa'danga niaki ri boko Efod, nirokoka kaeng. Punna erokko, alle mami, nasaba' iaji anjo bawang sanjata niaka anrinni.” Nakanamo Daud, “Anjo pa'danga, iami pa'dang kaminang bajika ri sikontu pa'rasangang, passareammi mae ri nakke!”

2 KARAENG-KARAENG 11:11

Nampa sikamma pangawalaka massing angngallemi tampa' ri tammulilina bageang ri dallekanna anjo Balla'Na Batara, massing le'ba' ta'bi'bu' pa'danna, untu' anjagai karaenga.