2 KARAENG-KARAENG 10:6 - KITTA' MATANGKASA'

⁶ Nampa akkiring pole sura' Yehu mae ri ke'nanga. Kammaminne bonena anjo suraka, “Punna agang mae kabusukko ri nakke, siagang punna sadiako anturuki parenta-parentaku, buno kabusu'mi padeng anjo sikontu ana' cucunna Ahab niaka antureng, nampa ammuko ri wattu kamma-kammaya anne, erang kabusuki ulunna ke'nanga mae ri nakke ri Yizreel.” Anjo tujupuloa ana' cucunna Karaeng Ahab niaki ammantang ri tau toa-toana tau jaia ri kota Samaria, siagang niparakai ri ke'nanga.

2 KARAENG-KARAENG 10:6 Referans Kwoze

LUKAS 9:50

Nakanamo Isa ri Yohanes siagang ana'-ana' gurunNa maraenga, “Teako pisangkai, nasaba' inai-nai ta'jari musua ri kau, battuanna a'jari agangi ri kau ngaseng.”

MATIUS 12:30

Inai-nai taeroka a'jari agangKu, sikontutojenna a'jari musui ri Nakke. Siagang tau taeroka ambantuA' ri jama-jamangKu, sikontutojenna iami lampanraki jama-jamangKu!

AYUB 21:19

Nukana ngaseng, ‘Nihukkungi anaka ri Allata'ala lanri dosana manggena.’ Mingka inakke kukana: Tau dorakaya, iatommi nihukkung ri Allata'ala, sollanna sadara' ke'nanga angkana lanri dosana ke'nanga, Nappabattu hukkungang Allata'ala.

2 KARAENG-KARAENG 9:32

Accongami Yehu nai' ri tujunna tontonganga, na nakana, “Inai agang mae ri nakke?” Nalangngere'na anjo sa'ra kammaya, nia'mo rua yareka tallu pagawe balla' karaenga attoa' naung.

PAOLE 5:9

Teako anynyombai patung kammaya anjo, lanri iNakke Karaeng Allata'alanu siagang taeroKa' nipasangkamma manna apa-apa mamo maraenganga. Inai-nai angkabirisiA' laKuhukkungi sa'genna mae ri jari-jarina lapisi' matallua siagang makaappaka.

PAMMILANGNGANG 25:4

Nakanamo mae ri Musa, “Jakkala' ngasengi anjo sikontu tau ampimpingai anjo bansaya siagang bunoi ke'nanga ri dallekanna tau jaia untu' anggaukangi parentaKu, sollanna tenamo naKularro mae ri anjo bansaya.”

2 KARAENG-KARAENG 10:5

Lanri kammana anjo akkirimmi kabara' kapala balla' karaenga siagang kabusu' walikotaya, tau toa-toana tau jaia, kammayatompa pajagana ana' cucunna Ahab, iamintu kabara' mae ri Yehu angkana, “Ikambe ngaseng anne tunduki mae ri katte karaeng, siagang sadiai untu' anggaukangi apa-apa mamo kiparentakanga mae ri kambe. Tena nalangngangka' ikambe manna pole inai la'jari karaeng. Kigaukang mami apa kikanaya baji' ri panggappata.”

2 KARAENG-KARAENG 10:7

Le'baki natarima ke'nanga anjo sura'na Yehu, nibunomi ri tutoa-toana tau jaia ri kota Samaria anjo tujupuloa ana' cucunna Ahab, nampa nipantama' ulunna ke'nanga ri karanjenga, nampa nikiring mange ri Yehu ri Yizreel.

2 KARAENG-KARAENG 10:9

Bari'basaki assulu'mi Yehu mange ri pakke'bu' lompoa, nampa nakana ri sikamma tau niaka a'rappung anjoreng, “Inakkemi le'baka assikongkolo' angngewai siagang ambunoi Karaeng Yoram; ikau tena ngaseng nusala lalang ri anne passalaka. Mingka sikontu anne taua teai inakke ambunoi.