1 YOHANES 5:1 - KITTA' MATANGKASA'

¹ Inai-nai tappa' angkanaya iaminjo Isa, Karaeng Mappasalama' Napa'janjianga Allata'ala, iami Ana'Na Allata'ala. Na inai-nai mangngamaseang ri Manggea, nakamaseang tongi Anaka.

1 YOHANES 5:1 Referans Kwoze

1 YOHANES 2:29

Nuassemmi angkanaya mappilangngeri Almasi mae ri ero'Na Allata'ala lalang ri katallassanNa. Lanri kammana, musti nuasseng tongi angkanaya inai-nai mappilangngeri mae ri ero'Na Allata'ala lalang ri katallassanna, iami ana'Na Allata'ala.

YOHANES 8:42

Nakanamo Isa ri ke'nanga, “Ebara' manggenu anjo Allata'ala, tantu lanukamaseangA', lanri iNakke battuA' ri Allata'ala. Teai ero' KalengKu naKubattu, passangalinna Allata'ala assuroA'.

1 YOHANES 4:7

Sikamma sari'battang sannaka kukarimangnginna! Mae mako kimassing sikamaseang; nasaba' Allata'ala assala'na anjo pangngamaseanga. Inai-nai mangngamaseang, iami ana'Na Allata'ala siagang iami angngassengi Allata'ala.

1 YOHANES 3:14

Niassemmi angkanaya assulu' maki' battu ri kamateanga siagang a'lette' maki' mae ri katallassanga. Niassemmi anjo, nasaba' massing sikamaseang maki' para ikatte. Inai-nai tena namangngamaseang, iami nikoasai ri kamateanga.

1 YOHANES 5:4

nasaba' sikamma ana'Na Allata'ala akkulle ngasengi nabeta anne lino ja'dalaka. Na anne linoa akkullei nibeta siagang katappakkanta.

1 YOHANES 4:20

Punna nia' tau angkana, “Kukamaseangi Allata'ala,” mingka nakabirisi paranna tau, paballe-ballei anjo taua. Nasaba' inai-nai tena nakamaseangi paranna tau, iamintu nacinika matanna, tena olona lakkulle nakamaseang Allata'ala, ia tenaya naciniki.

1 YOHANES 3:9

Inai-nai a'jarimo ana'Na Allata'ala, tenamo natuli la'gau' dosa, nasaba' nia'mi sipa'Na Allata'ala ri kalenna. Nasaba' iaminjo Allata'ala Manggena, tenamo natuli lanagaukang ija dosaya.

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

MATIUS 16:16

Appialimi Petrus nakana, “IKattemi Karaeng Mappasalamaka, Ana'Na Allata'ala Mattallasaka.”

1 YOHANES 2:10

Inai-nai angkamaseangi sari'battanna, anjo taua attallasa'mi lalang ri singaraka, sa'genna tenamo apa-apa ri kalenna akkullea a'jari saba' natu'guru' naung ri dosaya paranna tau.

YOHANES 15:23

Inai-nai angkabirisiA', nakabirisi tommi ManggeKu.

1 YOHANES 4:2

Kamma anne carana nakkulle nuasseng angkanaya apaka anjo RohNa Allata'ala yareka teai: Inai-nai ammangakui angkanaya anjo Isa Almasi Iami battua ri lino ma'rupatau, iaminjo taua nia' Roh battu ri Allata'ala lalang ri kalenna.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

YOHANES 6:69

Tappa'mi ikambe siagang jarre'mi ri atinna ikambe angkanaya iKattemi Tu Matangkasa' nisuroa battu ri Allata'ala.”

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?

LAMPA-LAMPANA 8:36

Ri tangngana aganga; anrapi'mi ke'nanga mange ri se'reang tampa' niaka je'ne'na. Nakanamo anjo pagawea, “Ciniki, anjo mae nia' je'ne'! Apapi pole kakuranganna punna erokka' nije'ne'?” [

YOHANES 1:3

Tete ri Iami nanipa'jari sikontu apa niaka, na sikontu apa niaka, tenanniakka manna sirupa nipa'jari punna tamannetea ri Ia.

1 YOHANES 5:5

Inaika akkulle ambetai lino ja'dalaka? Iaji bawang tau tappaka angkanaya anjo Isa, Iami Ana'Na Allata'ala.

1 YOHANES 5:18

Niassengi angkanaya sikontu tau a'jariamo ana'-ana'Na Allata'ala, tenamo natuli a'gau' dosa ija; nasaba' nijagai ri Ana'Na Allata'ala siagang takkulleami I Ja'dala' a'gau' apa-apa mae ri ia.

LUKAS 7:5

nasaba' sanna' nakarimangnginna bansata siagang le'ba' maki' napambangungang balla' sambayang.”

LAMPA-LAMPANA 8:37

Nakanamo Filipus, “Punna tappa' tojeng-tojemmaki' ri atinta, akkulle maki' nije'ne'.” Nakanamo anjo pagawe tinggi battua ri Etiopia, “Tappa'ma' angkanaya anjo Isa, Ana'Na Allata'ala.”]