1 YOHANES 3:24 - KITTA' MATANGKASA'

²⁴ Sikontu tau mappilangngeria mae ri sikamma parentaNa Allata'ala, asse'rei mae ri Allata'ala lalang ri katallassanna, siagang asse're tongi Allata'ala mae ri katallassanna. Na niasseng angkanaya asse'rei Allata'ala mae ri katallassanta, lanri le'ba'mi Napassareang RohNa mae ri katte.

1 YOHANES 3:24 Referans Kwoze

1 KORINTUS 3:16

Maka nuassenji angkanaya ikau antu sanrapangko balla'Na Allata'ala? Siagang angkanaya niaki RohNa Allata'ala ammantang lalang ri kalennu?

2 TIMOTIUS 1:14

Siagang lanri pannulunNa RohNa Allata'ala, ia niaka lalang ri katallassanta, paralluko angkatutui baji'-bajiki sikamma apa-apa nipappirannuanga mae ri kau, ia lompoa anggaranna.

1 YOHANES 2:6

Inai-nai angkana asse'rei siagang Allata'ala lalang ri katallassanna, musti sangkammai siagang Almasi batena attallasa'.

1 KORINTUS 6:19

Musti nuassengi angkanaya anjo batangkalennu pammantanganNa RohNa Allata'ala. Anjo RohNa Allata'ala ammantangi lalang ri kalennu. Kammayatompa KalenNa Allata'ala ampassareangi anjo RohNa mae ri kau. Anjo kalennu teaimi ikau pata, mingka Allata'ala pata.

1 YOHANES 4:7

Sikamma sari'battang sannaka kukarimangnginna! Mae mako kimassing sikamaseang; nasaba' Allata'ala assala'na anjo pangngamaseanga. Inai-nai mangngamaseang, iami ana'Na Allata'ala siagang iami angngassengi Allata'ala.

YOHANES 17:21

Kupalaki ri Katte Bapa', sollanna a'jari se're ngaseng anne ke'nanga, sangkamma iKatte siagang iNakke yareka iNakke siagang iKatte se're tonjaKi'. Poro asse're ngasengi ke'nanga mae ri Katte, sollanna akkulle tappa' linoa angkana iKatte assuroA' battu ri lino.

1 YOHANES 3:22

Siagang apa-apa mamo nipala' battu ri Ia, tena tanigappana, lanri mappilangngeriki' mae ri sikamma parentaNa, siagang nigaukangi apa Nangaia ri atinNa.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

YOHANES 10:38

Mingka lanri Kugaukammi, tappa' mako mae ri sikamma anjo apa le'baka Kugaukang, manna pole taerokako tappa' ri Nakke. Lalang kammana minjo nanuasseng siagang nupahang angkanaya tuli se'rena Manggea siagang iNakke, siagang tuli se'reKu siagang Manggea.”

YOHANES 14:17

Iami RohNa Allata'ala, lampa'nyatayai katojenganNa Allata'ala. Talanitarimayai ri linoa, lanri tanicinikai siagang taniassengai. Mingka ikau ngaseng nuassengi, lanri niaki ammantang ri kau ngaseng, siagang lasse'rei ri kalennu ngaseng.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 YOHANES 2:3

Punna mappilangngeriki' mae ri sikamma parentaNa Allata'ala, iaminjo a'jari pammatei angkanaya niassemmi Allata'ala.

1 YOHANES 2:5

Mingka inai-nai mappilangngeri ri kananNa Allata'ala, iaminjo taua sukku' batena angkamaseangi Allata'ala. Iaminjo a'jari pammatei angkanaya asse're maki' siagang Allata'ala lalang ri katallassanta.

1 YOHANES 2:24

Lanri kammana, musti nujagai baji'-baji' ri atinnu anjo biritta le'bakamo nulangngere' battu ri uru tappa'nu. Punna nuparhatikang baji'-baji' anjo birittaya, latuli asse're mako lalang ri katallassannu siagang Anaka kammayatompa Manggea.