Biblia Todo Logo
Bib sou entènèt

- Piblisite -




1 YOHANES 3:2 - KITTA' MATANGKASA'

2 Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.

Gade chapit la Kopi




1 YOHANES 3:2
37 Referans Kwoze  

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.


Jari, assala'na katallassannu sitojenna iamintu battu ri Almasi; na punna a'nyatamo Almasi sallang, la'nyata tommako siagang Ia lalang ri kalompoanNa.


Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.


Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.


Sikamma tau le'baka Napile Allata'ala, le'ba' tommi nipattantu battu ri uru-uru memang untu' a'jari sangkamma ana'Na, iamintu Isa Almasi. Lanri kammana, iaminjo Isa Almasi a'jari ana' bungasa' mae ri sikamma sari'battanna ngaseng.


Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.


Sangkamma todong ri kamma-kammaya anne sanrapangki' Adam buttaya assala'na, kamma tomminjo sallang la'jari sanrapang tommaki' anjo battua ri suruga.


siagang lanacini'mi ke'nanga rupanNa Allata'ala. Latattulisi'mi arenNa Allata'ala ri tompo' kanynyinna ke'nanga.


Kammami anjo caraNa Allata'ala ampa'lammorangi barakka'-barakka' sannaka heba'na siagang sannaka lompona anggaranna mae ri katte, ia le'baka Napa'janjiang. Lanri iami anjo barakka'-barakkaka nakiakkullemo ta'lappasa' battu ri sikamma kaerokang ja'dalaka, akkullea angngerangi anne linoa mae ri possoka; sollanna nukkulle todong anggappa bageang lalang ri sipa' kakaraenganna.


Mingka sangkamma apa tattulisika lalang ri Kittaka angkanaya, “Apa tenaya nale'ba' nacini' yareka nalangngere' rupataua, kammayatompa tenaya nale'ba' ammumba lalang ri pikkiranna rupataua, iaminjo Napasadia Allata'ala untu' tau mangngamaseanga ri Ia.”


Coba sai cini'! Teai sipato' Nakamaseanta Allata'ala, sa'genta niareng ana'-ana'Na Allata'ala; na kamma memang tongi, ikatte anne ana'-ana'Naki' Allata'ala. Iaminjo saba'na natena napahangki' anne lino ja'dalaka, nasaba' anne linoa tanaassengai Allata'ala.


Nasaba' ana'-ana'Naki' Allata'ala, Nasuromi RohNa Ana'Na Allata'ala antama' ri atinta; iamintu Roh angkanaya, “Bapakku, o Bapakku.”


Sikamma pa'risi' nikasiaka ri kamma-kammaya anne turu' ri panggappaku, tena nasiapa punna nipasingnganggaraki siagang kala'birang lanipa'nyataya mae ri katte sallang.


Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.


Bapa', erokKa' angkanaya sikamma anjo tau Kipassareanga ri Nakke, lassiagang ngasengA' anjoreng ri tampa' Kupammantangia, sollanna akkulle nacini' ke'nanga kala'birangKu. Iamintu kala'birang Kipassareanga mae ri Nakke, lanri Kikamaseang memamMa' ri tenanapa nanipa'jari anne linoa.


Mate'nei tau lambusu' pa'maika; nasaba' iami langngassengi Allata'ala!


Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.


Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.


Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.


Manna bokka'-bokka' siagang reppe'-reppe' bukkulengku, mingka lalang nia'na ija tubuku, laccinika' mae ri Allata'ala.


Inai-nai tappa' angkanaya iaminjo Isa, Karaeng Mappasalama' Napa'janjianga Allata'ala, iami Ana'Na Allata'ala. Na inai-nai mangngamaseang ri Manggea, nakamaseang tongi Anaka.


Kitongkoki bawana tu paballe-ballea tu borroa ancau-caui tu lambusuka.


laniu'rangimi arennu lalang ri BallakKu siagang ri alla'na bansaKu. Anjo bajikangngangi nanikanaya nia' ana'-ana' bura'ne siagang baine. Kusareko areng mannannungang tenaya nalanikaluppai.”


Kipicinikianga' oloang mangea ri katallassanga; battu ri Kattema' anggappa karannuang alla'bi-la'bi siagang mate'ne sa'genna satunggu-tungguna.


Mingka inai lakkulle attahang ri allo kabattuanNa Batara ampa'nyatai KalenNa? Nasaba' sanrapangi pepe'na pade'de' bulaeng ti'no', siagang sanrapangi sabung tukang pasassaya.


Kammaminjo sallang lampa-lampana ri allo nipa'nyatana Ana' Ma'rupataua.


Lasangkammami malaeka' siagang talamateami ke'nanga. La'jarimi ana'-ana'Na Allata'ala ke'nanga, nasaba' nipattallasa' poleammi ke'nanga battu ri kamateanga.


Mingka nia' todong tau antarimai na tappa' ri Ia, nisarei pangngellai a'jari ana'Na Allata'ala,


Siagang teai untu' bansa Yahudi bawang, passangalinna sollanna napa'rappungang siagang napasse're ana'-ana'Na Allata'ala tassia'-siaraka.


RohNa Allata'ala siagang rohna kalenta ampa'nassai angkanaya a'jari maki' ana'-ana'Na Allata'ala.


Sikontu linoa sanna' ngasemmi manakku'na antayangi angkanaya kerepi wattu naNapa'nyata Allata'ala kala'birang laNapassareanga mae ri ana'-ana'Na.


Sikamma sari'battang sannaka kukarimangnginna! Anne apa kutulisika teai parenta beru. Anne parenta sallomo, le'bakamo nipabattu mae ri kau ngaseng battu ri uru-uruna tappa'nu mae ri Almasi; iamintu biritta battu ri Allata'ala le'bakamo nulangngere' ri pirangalloang.


Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.


Jari, sikamma sari'battangku kukarimangngia, punna tena nanibilang salaki' ri ati mailalanta, akkulle maki' andallekang ri Allata'ala siagang barani.


Lannarimai ke'nanga battu ri Nakke sanrapang bintoeng battu rayaya.


Swiv nou:

Piblisite


Piblisite