1 YOHANES 2:23 - KITTA' MATANGKASA'

²³ Inai-nai tena namangakui Anaka, ma'nassa tena tommo namangakui Manggea. Na inai-nai ammangakui Anaka, ma'nassa namangakui tommi Manggea.

1 YOHANES 2:23 Referans Kwoze

1 YOHANES 4:15

Inai-nai ammangakui anjo Isa angkanaya Iami Ana'Na Allata'ala, asse'remi Allata'ala mae ri katallassanna anjo taua; kammayatompa anjo taua asse're tommi lalang tallasa'na mae ri Allata'ala.

YOHANES 8:19

Nakanamo ke'nanga, “Kemae ManggeNu?” Appialimi Isa Nakana, “Tena nanuassengA' siagang tena nanuassengi ManggeKu. Ka'de' nanuassengA', mattantu nuasseng tommi ManggeKu.”

YOHANES 10:30

INakke siagang Manggea se'rejA'.”

YOHANES 5:23

NaNapakamma anjo Manggea sollanna nipakala'biri' anjo Anaka battu ri sikontu rupataua, sangkamma napakala'biri'na Manggea ke'nanga. Inai-nai tena napakala'biriki Anaka, tena tommo napakala'biriki Manggea, assuroai battu Anaka.

1 YOHANES 5:1

Inai-nai tappa' angkanaya iaminjo Isa, Karaeng Mappasalama' Napa'janjianga Allata'ala, iami Ana'Na Allata'ala. Na inai-nai mangngamaseang ri Manggea, nakamaseang tongi Anaka.

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

1 YOHANES 2:22

Ia a'balle-ballea iamintu tau angkanaya teai Karaeng Mappasalama' Napa'janjianga Allata'ala anjo Isa. Iaminjo taua MusunNa Almasi; tena namangakui anjo Manggea siagang Anaka.

YOHANES 16:3

La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

1 YOHANES 4:2

Kamma anne carana nakkulle nuasseng angkanaya apaka anjo RohNa Allata'ala yareka teai: Inai-nai ammangakui angkanaya anjo Isa Almasi Iami battua ri lino ma'rupatau, iaminjo taua nia' Roh battu ri Allata'ala lalang ri kalenna.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.