1 TIMOTIUS 5:5 - KITTA' MATANGKASA'

⁵ Ia janda-janda akkale-kalea tojemmo, natena tojemmo tau akkulle amparakai, parallui manrannuang mae ri Allata'ala bawang. Allo bangngi tuli appala' doang untu' appala' tulung mae ri Allata'ala.

1 TIMOTIUS 5:5 Referans Kwoze

1 TIMOTIUS 5:3

Pakala'biriki janda-janda akkale-kalea tojemmo lalang katallassanna.

LUKAS 2:37

na'jari jandamo Hana. Kamma-kamma anne sagantujupulomi angngapa' taung umuru'na. Tena le'bakai nabokoi Balla'Na Batara. Allo bangngi mange ri Balla'Na Batara appala' doang ri Allata'ala siagang appuasa.

1 PETRUS 3:5

Kammami anne carana riolo angga'gai kalenna sikamma bai'-baine niaka agamana siagang manrannuanga ri Allata'ala, iamintu mappilangngeri mae ri bura'nenna ke'nanga.

1 TIMOTIUS 5:16

Mingka punna nia' baine Karisteng nia' bijanna jandamo, musti nabantui anjo jandaya. Takkulleai nabalang parekang sa'genna jama'aka antanggongi. Jari akkullemi jama'aka ambantui janda-janda tena sikalia bija pammanakanna.

1 KORINTUS 7:32

Kukellaiko ta'lappasa' ngaseng battu ri kasusaanga. Tau tenaya bainenna akkullei napasse're pikkiranna mae ri apa-apa Nakaerokia Batara, sollanna akkulle napakasannang pa'mai'Na Batara.

LUKAS 18:1

Le'baki anjo Nacaritami Isa se'rea pangngebarang, ero' Naajara' ana'-ana' gurunNa sollanna tuli appala' doang siagang tena natappu' panrannuang.

PAMMUJI 91:4

LaNatongkokko siagang ka'nyi'Na, sa'gennu amang lalang ri la'lanNa; nyawa tamamminraNa sanrapangi pa'lapa' ri batangkalennu anjagaiko.

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

RUT 2:12

Tapporo Nabalasa' lalo Batara kabajikannu. Tapporo nutarima lalo apa siratanga Napassareang Batara, Allata'alana Israel, nasaba' battu mako untu' appala' pa'la'langngang mae ri Ia!”

1 KORINTUS 7:34

kale'bakkanna ta'bagemi pikkiranna. Baine tenaya na'bura'ne, yareka se'rea tulolo, lala'bi jaiangammi ero'Na Batara napikkiri', lanri ero'na napassareang sikontu katallassanna a'jari Allata'ala pata. Mingka baine niakamo bura'nenna, napasse'remi pikkiranna mae ri passala' pakkalinoanga, lanri eroki napakasannang nyawana bura'nenna.

ROMA 1:12

Ia natabaya kanangku iamintu, nasaba' para tappa' ngaseng maki' mae ri Isa Almasi, jari paralluki' massing sipakajarre'.

ROMA 1:5

Lanri Iami anjo Isa Almasi, nakuNasaremo pangngamaseang Allata'ala, a'jari tunisuroNa. Sollanna, akkulle kupakala'biri' Almasi, siagang akkulle kururungang sikontu bansa-bansaya na'jari tappa' siagang mannuruki ri Allata'ala.

LAMPA-LAMPANA 26:7

Ia tomminjo janjia le'ba' naminasai dudu sampuloa anrua suku bansa Israel. Sa'genna assambayang ke'nanga ri Allata'ala allo bangngi. Na lanri tappakku mae ri anjo janjia, Karaeng Tunipakala'birika, iaminjo nakunapassala mamo tu Yahudia.

PIRAUNG 1:13

Napaturungi pepeka battu ri langi' akkanrea sa'genna antama' ri atingku. Attannangi sikko' ri dallekangku untu' antu'guranga'. Nampa Nalappassanga' kale-kalengku ballasa' sila'busu' allo.

YESAYA 54:1

O, Yerusalem, riolo rapangko baine tamanang tenaya nakkulle ammana'. Mingka kamma-kamma anne akkio' rannu mako, siagang akkelong mako matte'ne pa'mai'! Saba' teai sipato' jaina ana'nu, la'biangngangi na ana' baine tenaya nibokoi ri bura'nenna.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

YESAYA 49:21

Jari lanukana lalang ri pa'mai'nu, ‘Inaika allassukangi anjo ana'-anaka untu' inakke? Sai inakke tappela' ngasemmi ana'-anakku, na kutakkulleamo pole ammana'? Inakke nilalinga' mae ri butta pammelakkanga na kunipakabella siagang niboli' kale-kalengku. Battu kemae ngasengi anjo sikamma ana'-anaka, siagang inai ampakalompoi ke'nanga?’ ”

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.

LAMPA-LAMPANA 6:1

Pila' sallo, pila' jaimi tau tappa' ri Isa. Anjo wattua a'jari tenamo nasannang nyawana tau tappa' bansa Yahudi a'bicara Yunania mae ri tau tappa' bansa Yahudi totoka. Nakanamo a'bicara Yunania, “Sikamma bai'-baine janda niaka ri kambe tanibageiyai ongkoso' kaparalluang allo-allo nipa'bage-bageanga mae ri taua.”

LAMPA-LAMPANA 9:39

Ammentemmi linta' Petrus, nampa a'lampa ampinawangi anjo tunisuroa battu. Battuna ke'nanga mange anjoreng, nierammi Petrus nai' ri kamara' rateanga. Battu ngasemmi janda niaka anjoreng angngarru', allipungi Petrus. Napaccinikammi ke'nanga mae ri Petrus sikamma baju-bajua siagang juba-juba najaika Dorkas, eroka napassareang Dorkas ri ke'nanga ri wattu attallasa'na.

LAMPA-LAMPANA 9:41

Nampa nata'gala' Petrus limanna nanatulung ammenteng. Le'baki anjo nakio'mi Petrus sikamma tau tappa' niaka anjoreng siagang sikamma anjo janda-jandaya, nampa napassareang Dorkas le'bakamo attallasa' poleang, mae ri ke'nanga.

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

1 TIMOTIUS 2:1

Marioloangannaya, kupala' dudui mae ri kau sollanna nupangnganrokang nupassambayangang, nupappala' doangang siagang nupappala' sukkurang mae ri Allata'ala sikontu taua;

2 TIMOTIUS 1:3

Appala' sukkurukka' mae ri Allata'ala Ia kulayania situlusu'na ati mailalangku, sangkammaya nagaukanga boeku riolo. Punna kuu'rangiko lalang ri pappala' doangangku allo bangngi tuli appala' sukkurukka' mae ri Allata'ala.