1 TIMOTIUS 5:14 - KITTA' MATANGKASA'

¹⁴ Iaminjo nakukellai sollanna a'bunting poleang janda-janda loloa, nanggappa ana', sollanna naparutusu' ruma tanggana; sa'genna tenamo nanggappa kasampatang musu-musunta untu' ambotto'-bottoki arenta.

1 TIMOTIUS 5:14 Referans Kwoze

TITUS 2:5

untu' a'jari tangkasa' siagang untu' a'jari tu baine bajika lalang ri pakkalabinianna, iamintu mappilangngeria mae ri bura'nenna. Lalang ri kammana anjo tenamo tau akkulle ancallai biritta battua ri Allata'ala.

1 TIMOTIUS 6:1

Ia tu Karisteng a'jari ataya, musti napassiratangi napakala'biri' pinggawana, sollanna takkullea taua ambotto'-bottoki arenNa Allata'ala yareka pangngajaranta.

TITUS 2:8

Pakei kana-kana bajika, tenaya nakkulle nacalla taua, sollanna a'jari siri'-siri' balinnu, lanri tena apa-apa kodi akkullea napake ambicara kodiki'.

1 TIMOTIUS 4:3

Napangngajarrangi sollanna ta'buntinga taua; siagang jai apa-apa tanapa'bianga nikanre. Na sikontutojenna anjo kanre-kanreanga Allata'ala ampa'niaki. Yangasenna anjo Nakellai Allata'ala sollanna nikanre siagang sukkuru' ri sikamma tau tappakamo mae ri Almasi siagang tau naassengamo pangajarang katojengang battua ri Allata'ala.

DANIEL 6:4

Kabateammi linta' angkanaya jama-jamanna Daniel la'bi bajikangngangi najama-jamanna sikamma guburnurka siagang pangawasa' maraengannaya. Lanri kammana anjo, ero'mi karaenga angngangkaki a'jari pamarenta mae ri sikontu kakaraenganga.

PANGNGEBARANG 14:1

Pakkalabinianga nibangungi ri kacara'dekanna bainea mingka niruntungi ri kadongokanna.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

1 TIMOTIUS 5:11

Teako pantamai arenna ri bukua janda-janda loloa ija. Nasaba' punna battui cinnana ke'nanga, akkullea ampakabellai ke'nanga battu ri Almasi, ero' poleammi ke'nanga a'bunting.

1 TIMOTIUS 2:8

Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.

2 KORINTUS 11:12

Anne apa kugaukanga ri kamma-kammaya anne, tuli lakugaukangi situlusu'na. Sollanna tena alasanna sikamma “tunisuro” maraenganga ampakalompoi kalenna, angkana anjama tongi sangkamma ikambe.

ROMA 14:13

Lanri kammana, takkulleaki' massing sisalakang. Mingka usahakangi natena nugaukangi apa-apa akkullea ampasala oloangi sari'battang julu tappa'nu, sa'genna doraka.

2 SAMUEL 12:14

Mingka lanri kihinana Batara battu ri anjo panggaukanta, anjo ana' bura'neta beru lassuka lamatei.”

PA'JARIANG 18:9

Nampa akkuta'nammi ke'nanga angkana, “Kemae bainennu Sara?” Appialimi Abraham angkana, “Anjorengi, lalangi ri kemaya.”

PA'JARIANG 18:6

Akkaro-karomi Abraham antama' ri kemana nampa nakana ri Sara, “Akkaro-karoko angngalle labu' kaminang bajika, nunampa appare' linta' roti a'bundala'.”

YEREMIA 29:6

A'buntingko sollannu anggappa ana', siagang lappassammi a'bunting todong ana'-ana'nu sollanna angngappa todong ke'nanga ana'. Musti katambangi jainu, siagang takkulleai kurang.