1 TIMOTIUS 4:14 - KITTA' MATANGKASA'

¹⁴ Teako takkaluppai ampakei passareNa RohNa Allata'ala ri wattunna napatompang limanna pamimping-pamimping jama'aka irate ri ulunnu, kammayatompa ri wattunna napabattu na'bi-na'bia pappasanNa Allata'ala ri passala'na kalennu.

1 TIMOTIUS 4:14 Referans Kwoze

2 TIMOTIUS 1:6

Lanri kammana kupappiu'rangiangi mae ri kau sollanna nupattimbo anjo passare malammoro'Na Allata'ala mae ri kau ri wattunna kupatompang limangku irateanganna ulunnu.

1 TIMOTIUS 1:18

Anakku, Timotius! Kupappirannuangi anne jama-jamanga mae ri kau, lanri kuu'ranginna pappasanNa Allata'ala, napabattua na'bi-na'bia ri tangnga-tangngana jama'aka ri passala'na kalennu. Parallui nupa'jari sanrapang bokong anjo pappasanga, lalang jama-jamang bajika.

LAMPA-LAMPANA 6:6

Nierammi anne tujua tau mae ri sikamma tunisuroNa Allata'ala, nampa nipappala' doangang siagang nipappalakkang barakka' ri Batara.

1 TIMOTIUS 5:22

Teako linta' dudui ampatompangi limannu untu' angngangkaki se'rea tau a'jari palayanNa Batara. Punna a'gau' dosa taua teako katuru'-turukangi anggaukangi anjo dosaya. Jagai kalennu sollanna nutuli matangkasa'.

1 TESALONIKA 5:19

Teako jallakkangi RohNa Allata'ala.

LAMPA-LAMPANA 13:3

Le'baki appuasa siagang appala' doang ke'nanga, napadongko'mi limanna ke'nanga irateanganna Barnabas siagang Saulus, nampa nabarakkaki nanasuro ke'nanga sipa'rua a'lampa.

LAMPA-LAMPANA 8:17

Naangka'mi limanna Petrus siagang Yohanes, irateanganna sikamma anjo tu Samariaya; jari natarimami ke'nanga RohNa Allata'ala.

LAMPA-LAMPANA 19:6

Na ri wattunna napatompang limanna Paulus irateanganna ke'nanga, battumi RohNa Allata'ala angkoasai ke'nanga; sa'genna akkullemo ke'nanga a'bicara lalang a'rupa-rupa bicara appakalannasaka, siagang napabattumi ke'nanga kabara' battua ri Allata'ala.

LAMPA-LAMPANA 11:30

Nagaukammi ke'nanga anjo passamaturukanga. Na'lampamo Barnabas siagang Saulus angngerangi anjo sumbanganga mae ri pamimping-pamimping jama'aka ri Yudea.

LAMPA-LAMPANA 22:5

Kalenna imang lompoa siagang sikontu anggotana Pangadelang Agamaya akkulle a'jari sa'bi angkanaya tena ku'balle-balle. Nasaba' iaminjo ke'nanga le'ba' assarea' sura' koasa, kueranga mae ri tu Yahudi niaka ri Damsyik. Anjo sura' koasaya akkullei kupare' panna'gallang untu' anjakkalaki sikamma tau tappaka mae ri anjo pangngajarang berua, ri Damsyik, nampa kuerang ke'nanga mange ri Yerusalem sollanna nihukkung.”

1 TIMOTIUS 4:15

Attojeng-tojengko anggaukangi yangasenna anjo, sollanna akkulle nacini' ngaseng taua kamajuannu.

1 TIMOTIUS 5:17

Sikamma pamimping anggaukang bajikai jama-jamanna siratangi a'lappi rua batena nipakala'biri', la'biangampa ia rajenga akkato'ba siagang angngajara'.

1 TIMOTIUS 5:19

Teako pilangngeri tuduhanga mae ri pamimping jama'aka, punna tena nangganna' kaminang rawana rua tau a'jari sa'bi.

1 TIMOTIUS 6:12

Usaha tojeng-tojengko untu' apa nupatappaka salaku tu Karisteng, kammayatompa parallui nugappa hadia sitojennaya siagang mannannunganga. Nasaba' untu' iaminjo Nanakiokko Allata'ala ri wattunna numangakui ri dallekanna taua angkanaya tappa' mako mae ri Almasi.