1 TIMOTIUS 3:4 - KITTA' MATANGKASA'

⁴ Musti angngassengi angngatoroki siagang baji' sikamma tubone balla'na, kammayatompa angngajaraki ana'-ana'na sollanna mappilangngeri siagang mappakalompo mae ri ia.

1 TIMOTIUS 3:4 Referans Kwoze

TITUS 1:6

Se'rea pamimping jama'ah parallui tau tenaya callanna; musti sitauji bainenna; ana'-ana'na musti tappa'mi ri Almasi, siagang teai ana'-ana' bambala' yareka tenaya nakkulle niatoro'.

1 TIMOTIUS 3:12

Inai-nai a'jari pambantu lalang ri jama'aka musti se'reji bainenna. Musti naassengi angngatoro' bajiki ana'-ana'na siagang ruma tanggana.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

TITUS 2:2

Pakaingaki tau toa bura'nea sollanna naasseng ampakalewai kalenna ke'nanga lalang ri katallassanna, bajiki siagang napakalewai kalenna; sollanna annaba cara tallasa'na salaku tu nipangngaliki. Musti anna'gala' jarreki ri ajarang tojeng battua ri Allata'ala, attojeng-tojengi mangngamaseang, siagang sa'baraki angkasiaki kasessanga.

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

YOSUA 24:15

Ebara' angkana taerokako anynyomba mae ri Batara, pilei memammi anne alloa, angkana inai lanusomba: rewata-rewata nasombaya boe-boenu riolo ri Mesopotamia yareka rewata-rewatana tu Amori nupammantangngia pa'rasanganna kamma-kamma anne. Mingka ikambe, iamintu inakke siagang sikontu kaluargaku, Batara bawang lakusomba.”

TITUS 2:7

Siagang paralluko ikau kalennu, lalang ri apa-apa mamo, ampappicinikangi conto bajika lalang ri panggaukannu. Punna angngajarakko, musti lambusukko siagang attojeng-tojengko.

FILIPI 4:8

Na kala'busanna, sari'battangku ngaseng, parallui nubonei pikkirannu siagang apa-apa niaka anggaranna, siratanga nipuji, iamintu: apa-apa annabaya, mala'birika, adeleka, matangkasaka, mate'nea, siagang bajika.

EFESUS 5:24

Sangkamma anjo jama'aka tunduki mae ri Almasi, kammatommi anjo tu bai'-bainea musti tundu' tongi mae ri tubura'-bura'nena, lalang ri passala' apa-apa mamo.