Biblia Todo Logo
Bib sou entènèt

- Piblisite -




1 TIMOTIUS 3:11 - KITTA' MATANGKASA'

11 Bainenna ke'nanga musti tau baji' todong, teai tu nangaia appasilemba-lemba bicara. Musti naassengi ke'nanga ampakalewai kalenna, siagang musti lambusuki ke'nanga ala ri apa-apa mamo.

Gade chapit la Kopi




1 TIMOTIUS 3:11
23 Referans Kwoze  

Kammayatompa, parallu tongi nupakainga' tau toa bainea sollanna matangkasa' ke'nanga ri panggaukanna sangkamma siratannaya ri katallassanna tau anynyombaya ri Allata'ala. Takkulleai napitina paranna tau, siagang takkulleai tu'guru' cinnana ke'nanga mae ri inung-inungang terasaka. Musti napangngajarrangi ke'nanga apa-apa bajika;


Pauangi ke'nanga sollanna tena napitinai paranna tau, passangalinna parallui assiama' siagang sombere' mae ri taua. Siagang parallui tuli tuna kana-kananna ke'nanga mae ri yangasenna taua.


Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;


Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.


Tena pangngarimangnginna siagang pangngamaseanna ke'nanga, tanangaiyai ampammopporangi paranna tau, nangai nabotto'-bottoki arenna paranna tau, nangai ammassa ri paranna tau, pallaki, siagang birisiki mae ri kabajikanga.


Tau accokkoa kabirisang iami patipu. Tau appa'la'banga pitina iami tau dongo'.


Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.


Sikamma ata tu Karistenga pinggawana, takkulleai tanajampangia pinggawana lanri sangkammaji ke'nanga para tu Karisteng. Ba'lalo musti nalayani la'bi bajiki pole pinggawana ke'nanga, nasaba' anjo pinggawa nalayani bajika julu tappa'na tonji nikamaseanga. Yangasenna anne musti nupangngajarrangi siagang nupappakaingakkangi.


Appala' sukkurukka' mae ri Batarata Isa Almasi. Iami le'ba' assarea' kagassingang untu' allayani mae ri Ia, siagang ampa'jaria' tau siratang anggaukangi anjo jama-jamanga.


Appialimi Isa Nakana, “Sai sampuloko anrua Kupile? Mingka nia' sitau ri kau a'jari setang!”


Le'baki anjo, nierammi Isa ri RohNa Allata'ala mange ri parang lompoa, sollanna niso'ri ri billisika.


Sikamma imanga tulolo Israel ji bawang akkulle nabuntingi, iamintu tuloloa iji yareka jandana se'rea imang. Takkulleai ke'nanga ambuntingi baine le'baka nitalla'.


Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.


Tunisuro tamamminraya, napakasannangi nyawana tumassurona, sanrapang je'ne' dinging nakasiaka pakattoa ri kokoa.


Tau a'mere'-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.


Ikau tulusu' nupitinai sari'battannu, nupakka'-pakkanai sari'battang tangka'nu.


tenaya napitinai paranna tau, tenaya na'gau' ja'dala' mae ri aganna, tenaya nabicara kodi siampi' balla'na;


Se'rea imang takkulleai a'bunting siagang baine le'ba' pagau' salaya yareka baine tenayamo natulolo yareka le'bakamo assisa'la' siagang bura'nenna, lanri anjo imanga iNakke pata.


Sangnging kaja'dallang mami lalang ri atinna ke'nanga, sangnging apa tenaya nannaba; sangnging kangoang, kabottokang siagang sereati; sangnging eroka ammuno, assiba'ji, annipu, siagang sentimeng. Nangai ke'nanga nabicara paranna tau,


Swiv nou:

Piblisite


Piblisite