1 SAMUEL 9:25 - KITTA' MATANGKASA'

²⁵ Le'baki anjo naummi ke'nanga battu ri tampa' passambayanganga nampa antama' ri kotaya. Nisaremi Saul katinroang irate ri pattongko'na ballaka,

1 SAMUEL 9:25 Referans Kwoze

LAMPA-LAMPANA 10:9

Ammukona alloa, lalang a'jappana ija anjo tunisuroa siagang a'biringamo battu mange ri Yope, nai'mi Petrus ri ballaka ero' appala' doang.

PAOLE 22:8

Punna ambangungko balla', musti apparekko kalli' ri tammulilina biring pattongko'na anjo ballaka. Jari tena nanibattalliko punna nia' tau tu'guru' battu rate ri pattongko'na anjo ballaka sa'genna mate.

NEHEMIA 8:16

Jari a'lampami ra'yaka angngallei anjo tangke-tangke poko' kayua. Sikontuna ke'nanga appare'mi balla'-balla' massing ri lappara'na pattongko' balla'na ke'nanga, ri paranglakkeng balla'na, ri paranglakkeng dallekang Balla'Na Batara ri Yerusalem, ri parang ri ampi'na Pakke'bu' Lompo Je'ne', siagang ri parang ri ampi'na Pakke'bu' Lompo Efraim.

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

MATIUS 10:27

Apa-apa Kupabattua ri kau lalang ri sassanga, musti nupabattu poleangi lalang ri singara'na alloa. Siagang apa-apa nipa'bicikanga ri tolinnu, pa'la'bangi sa'genna ri kere-keremae!

YEREMIA 19:13

Sikontu balla' niaka ri Yerusalem siagang sikontu balla' karaenga ri Yehuda lanipa'jari rantasaki sangkamma Tofet; lanri irate ri tompo'na sikamma anjo ballaka le'ba'mi taua attunu dupa untu' rewata-rewata ri langi', siagang assare koro'bang anggoro' untu' rewata-rewata maraeng.”

MATIUS 24:17

Tau niaka irate ri pattongko'na ballaka teami naungi angngalle apa-apa battu lalang ri balla'na.

LUKAS 5:19

Mingka lanri teai sipato' jaina tau, takkulleami ke'nanga antama'. Jari naerammi ke'nanga anjo tau pesoka nai' ri pattongko'na anjo ballaka. Nampa nasungke ke'nanga pattongko'na anjo ballaka. Nampa napanaung anjo tau pesoka ri dallekanNa Isa, ri tangnga-tangngana anjo tau jaia.

1 SAMUEL 9:26

nampa attinro. Ri wattu ammumbana alloa, nikio'mi Saul ri Samuel niaka irate ri pattongkoka; nakana Samuel, “Ambangungko, maeko nakuantarakko a'lampa.” Ambangummi Saul, nampa a'lampa siagang Samuel.