1 SAMUEL 8:8 - KITTA' MATANGKASA'

⁸ Ri Kueranna ke'nanga assulu' battu ri Mesir, nabokoiMa' ke'nanga nampa anynyomba ri rewata-rewataya. Na apa anjo nagaukanga ke'nanga mae ri kau, iatommi anjo le'ba' nagaukang ke'nanga mae ri Nakke.

1 SAMUEL 8:8 Referans Kwoze

KALAPPASSANG 32:1

Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

HAKING-HAKING 13:1

Dorakami pole umma' Israel ri Batara jari nibalang parekangi ri Batara, na nikoasai ke'nanga ri tu Filistin, patampulo taung sallona.

HAKING-HAKING 6:1

Sikalipi pole, dorakamiseng umma' Israel mae ri Batara. Sa'genna nibalang parekang ke'nanga nikoasai ri bansa Midian tuju taung sallona.

HAKING-HAKING 4:1

Ri matenamo Ehud, dorakami pole bansa Israel mae ri Batara.

HAKING-HAKING 2:20

Iaminjo saba'na nasanna'mo larroNa Batara mae ri umma' Israel. Angkanami, “Le'ba'mi Kupassuroang ri boe-boena anne ke'nanga sollanna nata'gala' jarre' anjo parjanjiangKu siagang ke'nanga. Mingka natappu'mi anne bansaya passikko'na anjo parjanjianga, nadakkaimi ke'nanga parentaKu.

PAOLE 9:24

Baku'nu kuasseng, tuli tenana numappilangngeri mae ri Batara.

PAMMILANGNGANG 16:41

Ammukona bari'basa' a'larro-larromi sikontu bansa Israel mae ri Musa siagang Harun. Nakana ke'nanga, “Le'ba'mi nubuno umma'Na Batara.”

KALAPPASSANG 17:2

Jari a'moro-moromi ke'nanga ri Musa nakana, “Sarei ikambe je'ne' inung.” Appialimi Musa angkana, “Angngapa nu'moro-moro anso'ri Batara?”

KALAPPASSANG 16:3

Nakana ke'nanga, “Bajikangngangi ebara' angkana matemi ikambe nibuno ri Batara ri butta Mesir. Anjoreng kaminang sike'de'na akkullei ikambe ammempo angnganre dageng siagang roti sa'genna bassoro' ikambe. Mingka ikau sipa'rua nuerangi ikambe mae anrinni sollanna mate cipuru' ngaseng ikambe anrinni.”

1 SAMUEL 8:7

Na Nakanamo Batara, “Turukiammi sikontu pappala'na anjo bansaya mae ri kau. Nasaba' teai ikau nasorongboko ke'nanga, mingka iNakke. Tenamo naero' punna iNakke a'jari karaenna ke'nanga.

1 SAMUEL 8:9

Lanri kammana anjo, turukiammi pappala'na ke'nanga; mingka pakainga' tojeng-tojengi ke'nanga, siagang pauangi angkanaya antekamma sallang lanigaukangi ri karaenga.”

YEREMIA 34:14

Kukana, sikontu ata tu Ibrani le'bakamo allayani annang taung sallona, musti nipakabebasaki ri kala'busanna taung makatujua. Mingka taerokai boe-boenu amparhatikangi yareka ampilangngeri anjo apa Kupaua.

YEHEZKIEL 2:3

“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.