1 SAMUEL 7:16 - KITTA' MATANGKASA'

¹⁶ Taung-taungi a'jappa akkuliling mae ri Betel, Gilgal, siagang Mizpa. Siagang sikamma parkara-parkara passisalang niaka ri sikamma anjo tampaka, napa'le'ba' ngasemmi napakabaji'.

1 SAMUEL 7:16 Referans Kwoze

PAMMUJI 75:2

Manynyombai ikambe mae ri Katte, o, Allata'ala, appala' sukkuruki ikambe mae ri Katte na nakabarrang bate pare' malompoTa.

HAKING-HAKING 12:14

Nia' patampulo ana' tu bura'nena, na nia' tallumpulo cucu-cucu bura'nena. Massing nia' tasse'renna ke'nanga sikayu keledaina. Sagantuju taungi sallona nipimping umma' Israel ri Abdon.

HAKING-HAKING 10:4

Nia' tallumpulo tau ana' bura'nena. Nia' tallumpulo keledaina ke'nanga siagang tallumpulo desana ri daera Gilead. Anjo desa-desaya tuli niarengiji desa-desa Yair.

HAKING-HAKING 5:10

Ikau ma'dongko' keledai kebo' ikau ammempoa ri tappere' malompoa, na ikau ngaseng ma'jappa bangkenga kabarrangi anne carita pammetanga!

PA'JARIANG 28:19

Naaremmi anjo tampaka Betel. (Riolo arenna Lus.)

PA'JARIANG 35:6

Nampa battumo ke'nanga mange ri butta Kanaan, ri kota Betel ia niarenga Lus riolo.

YOSUA 5:9

Nakana Batara mae ri Yosua, “Anne alloa le'ba'mi Kupa'lanynya' katunaannu ngaseng salaku ata-ata ri Mesir.” Iaminjo naniareng anjo tampaka Gilgal, battuanna nipa'lanynya', sa'genna kamma-kamma anne.

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.

1 SAMUEL 7:5

Le'baki anjo nakanamo Samuel, “Pa'rappungangi sikontu bansa Israel ri Mizpa, nampa lappala' doanga' untu' ikau ngaseng.”

1 SAMUEL 11:14

Nampa nakana Samuel ri ke'nanga, “Umba ki'lampa ngaseng mange ri Gilgal na niresmikang Saul a'jari karaenta.”

AMOS 5:5

Teako a'lampai mange ri Bersyeba untu' anynyomba. Teako boyaiA' ri Betel, nasaba' lalanynyaki Betel. Tea tongko a'lampai mange ri Gilgal, nasaba' pandudu'na anjo kotaya laniengkaki mange ri pammelakkanga.”

1 SAMUEL 10:17

Nakio'mi Samuel sikontu ra'ya' Israel sollanna a'rappungang ri Mizpa.

HOSEA 5:1

Nakanana Batara, “Pilangngeri, he sikamma imanga! Parhatikangi, he tu Israel! Pilangngeri, he jari-jarina karaenga! Le'ba'mi nipattantu hukkunganga mae ri kau. Nasaba', mustina adelekko angngadeli, mingka kabalekanna a'jari mako rapang tado' ri Mizpa, rapang sikko' nitannanga ri Bulu' Tabor,