1 SAMUEL 6:5 - KITTA' MATANGKASA'

⁵ Jari, musti apparekko bulaeng sanrapang kambussuluka siagang balao ampanrasu-rasua ri pa'rasangannu. Lalang kammana anjo nupakala'biri'mi Allata'alana Israel. Lammarimi kapang anghukkungko siagang rewata-rewatanu kammayatompa pa'rasangannu.

1 SAMUEL 6:5 Referans Kwoze

YOSUA 7:19

Nakanamo Yosua ri Akhan, “Na', mangakuimi siagang paumi silambusu'na anrinni ri dallekanNa Batara, Allata'alana Israel, apa le'baka nugaukang. Pauamma', teako cokkoi.”

1 SAMUEL 5:11

Lanri kammana, nakio'mi ke'nanga sikamma karaenga ri Filistin untu' asse're. Nampa nakana ke'nanga, “Poterangi anjo Patti ParjanjianNa Allata'alana Israel mange ri tampa'na riolo, sollanna tena naNabunoki' siagang kaluargata.” A'jarimi karicuanga ri sikontu kotaya, lanri Nahukkungi Allata'ala pandudu'na, siagang hukkungang battala' sikalia.

YOHANES 9:24

Jari nakio' poleammi ke'nanga anjo tau le'baka buta, na nakana ri ia, “Assumpa mako angkanaya lanupaui kontutojenga. Naassengi ikambe angkanaya tau doraka anjo Taua.”

YESAYA 42:12

Boli'mi kamma napakala'biri' Batara ke'nanga, na napa'la'bang arenNa ri sikamma pa'rasangang bellaya.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

PAMMUJI 32:4

Allo bangngia' Kijallakkang, o, Batara, la'busu'mi kagassingangku niiso' ri bambanna alloa.

1 SAMUEL 5:9

Mingka battuna mange anjoreng anjo pattia, nihukkung tommi ri Batara anjo kotaya, sa'genna gegere' lompo taua anjoreng. Nihukkummi pandudu'na anjo kotaya, tau rungka yareka tau toa. Akkambu'-kambussuluki kalenna ke'nanga.

PAPPICINI' 16:9

Ammutummi rupataua napakamma bambanna, sa'genna natunraimo arenNa Allata'ala, Makoasaya mae ri sikamma anjo balaya. Manna nakamma tena todong naero' toba' ke'nanga battu ri dosa-dosana siagang tena naero' ke'nanga ammuji ri kalompoanNa Allata'ala.

PAPPICINI' 14:7

Akkio' lompomi anjo malaekaka nakana, “Malla' mako ri Allata'ala, siagang pujimi kalompoanNa! Nasaba' narapi'mi wattunna laNaadeli Allata'ala rupataua. Sombami Ia ampa'jariai langika, buttaya, tamparanga siagang sikontu timbusenna je'neka!”

PAPPICINI' 11:13

Na anjo wattua ta'ge'goso' sanna'mi buttaya. Ancuru'mi bage sampulona anjo kotaya, siagang nia'mo tuju sa'bu jaina tau mate napakamma anjo ta'ge'goso'na buttaya. A'jari malla' sikali ngasemmi tau maraenganga, nampa mammuji ke'nanga mae ri kalompoanNa Allata'ala ri suruga.

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

YO"EL 2:25

LaKusambei sikontu karugiannu ri taung-taung nakanrena katimbang wassele' lamung-lamunnu. Nasaba' iNakke angkiringi battu anjo pasukang katimbanga mae ri kau.

YEREMIA 3:13

Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

PAMMUJI 39:10

A'merekia' siagang tena nakusungke bawaku, saba' iKatte angngajarakka'.

PAMMUJI 18:44

Kilappassanga' battu ri tu dorakaya, nampa Kipa'jaria' tukoasa ri bansa-bansaya; bansa tenaya kuassengi a'jari atangku.

PAMMILANGNGANG 33:4

sitabanga antarawangi ana'-ana' bungasa'na ke'nanga, ia le'baka nibuno ri Batara. Lanri iaminjo gau'na, na Napa'buttimo Batara angkanaya Ia la'bi kassa' kala rewata-rewatana tu Mesir.

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

KALAPPASSANG 8:24

Napabattumi Batara katingaloa, sannaka jaina, mange ri balla' karaenga, siagang ri balla'na sikamma pagawena karaenga. Sanna'mi sessana sikontu pa'rasangang Mesir napakamma anjo katingaloa.

KALAPPASSANG 8:17

Nampa natunrummo Harun buttaya siagang takkanna, sa'genna tappinramo sikontu limbu'buka ri Mesir a'jari lamu' angkatulungai taua siagang olo'-oloka.

KALAPPASSANG 8:5

Nakana Batara ri Musa, “Suroi Harun ampajonjoi takkanna ri tompo'na sikamma binanga-binangaya, sikamma solonganga siagang kollang-kollanga, sollanna ammumba anjo tumpanga ri kere-keremae na napirassi butta Mesir.”

1 SAMUEL 6:8

Nampa, allemi anjo Patti ParjanjianNa Batara, panaiki ri anjo karobaya, nampa nupadongko' ri sa'rinna patti niaka bulaeng lalang, ia mustia nupassareang ri Ia untu' antangkasi dosanu. Lappassammi anjo karobaya siagang sapia a'jappa kale-kale.

1 PATTOTTORANG 16:28

Puji Batara, ikau rupa taua! Puji kalompoang siagang kagassinganNa.

1 PATTOTTORANG 16:29

Puji areng mala'biri'Na, erangi koro'banga antama' ri Balla'Na Sombai Batara siagang pakeang sambayang!

YUNUS 3:9

Barang ero'ji Allata'ala ampinrai ero'Na siagang tenamo Nalarro sa'genna tenamo ninjari panra'!”