1 SAMUEL 4:13 - KITTA' MATANGKASA'

¹³ Na Eli, sannaka lussa'na ampikkiriki kasalamakkanna Patti ParjanjianNa Batara, sitabangi ammempo ri kaderaya ri birinna aganga, nia' nanawa-nawa. Ri wattu napabattuna anjo taua kabaraka angkanaya nibetai Israel, appiraung lompomi sikontu panduduka ri kotaya.

1 SAMUEL 4:13 Referans Kwoze

1 SAMUEL 1:9

Ri se'reang allo, ri le'ba'na ke'nanga angnganre ri Balla'Na Batara ri Silo, ammentemmi Hana battu ri mejang pangnganreanga. Anjo wattua, Imang Eli, ia niaka todong ri Balla'Na Batara, sitabangi ammempo ri kaderana ri ampi'na pakke'buka. Appala' doammi Hana mae ri Batara siagang si'na sikali, angngarru'-arru' tassunge'nge'.

1 SAMUEL 4:18

Napabattuna anjo taua kabara'na anjo Patti Parjanjianga, tu'guru'mi Eli battu ri kaderana ri ba'leanna pakke'bu' lompoa. Lanri toa dudunamo siagang lanri co'mo'na, sa'genna tepo'mo kallonna ri wattunna tu'guru', na matemo. Patampulo taungi sallona napimping tu Israel.

PAMMUJI 26:8

Kungai BallatTa, o, Batara, tampa' pammantangang kalompoanTa.

YOSUA 7:9

Lanalangngere'mi tu Kanaan siagang sikontu tau niaka ri anne daeraya anne passalaka. Lanalipungi siagang lanabuno ngasemmi ikambe! Nampa apa laKigaukang untu' angkatutui kalompoanTa?”

1 SAMUEL 4:14

Nalangngereki Eli anjo tau appiraunga, akkuta'nammi angkana, “Apa anjo gegere' kamma?” Lalanna anjo wattua anjo taua sumpaeng larimi mae ri Eli. Anrapiki, napabattumi anjo kabara' kodia.

YEREMIA 48:19

Ikau niaka ammantang ri Aroër, ammentengko ri birinna aganga siagang parhatikangi! Pakkuta'nangngangi mae ri ke'nanga laria, siagang ta'lappasaka, angkana, ‘Apa le'ba' kajariang?’